Chitwan Post Epaper
विश्व

बेइजिङ विमानस्थलमा बम विस्फोट

बेइजिङ, ५ साउन । चीनको बेइजिङ अन्तर्राष्ट्रिय विमानस्थलमा शनिबार एक घरायसी बम विस्फोट गराइएको विभिन्न सञ्चारमाध्यमले जनाएका छन् ।

एकजना ह्वील चियरमा आएका चिनियाँ नागरिकले उक्त विमानस्थलको आगमन मार्गमा उक्त बिस्फोटक पदार्थ फालेका बताइएको छ । तर सो विस्फोटबाट खासै क्षति भने नभएको पनि समाचारमा जनाइएको छ । उनी आफै घाइते भएको तर अन्यत्र खासै क्षति नभएको अधिकारीहरुले जनाएका छन् ।

उनको परिचय सार्वजनिक गरिएको छैन तर उनी चिनियाँ नागरिक नै भएको बताइएको छ । उनले घरैमा बनाइएको विस्फोटक पदार्थ बोकेर गएका र विमानस्थलको आगमन मार्गमा पुगेर विस्फोट गराएका थिए ।

हाल उनलाई उपचारार्थ अस्पताल पु¥याइएको छ । उक्त घटनाको प्रहरीले अनुसन्धान सुरु गरेको चिनियाँ समाचार समिति सिन्ह्वाले जनाएको छ । यस विषयमा उक्त विमानस्थलका अधिकारी र प्रहरीले कुनै प्रतिक्रिया दिन नमानेका पनि चीनको बेइजिङ् शहरबाट विभिन्न अन्तर्राष्ट्रिय सञ्चारमाध्यमहरुले जनाएका छन् ।

उक्त मार्ग वरिपरि सेतो धुवाँ उडेको र त्यहाँका नागरिकहरु यत्रतत्र दौडिरहेका तस्वीरहरु सिन्ह्वाको वेभसाइटमा राखिएको छ । तर त्यो विस्फोटका कारण कुनैपनि उडानहरु प्रभावित वा ढिला नभएका विमानस्थल अधिकारीहरुले जनाएका पनि समाचारमा उल्लेख छ । रासस÷एएफपी

Comments
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.

धेरै पटक हेरिएको

Chitwan Post Epaper

सम्पर्क

चितवन पोष्ट, दैनिक समाचार पत्र
नारायणगढ, चितवन

फोनः ०५६-५७१४९२

फ्याक्स:  ०५६-५७११२०

इमेल: postchitwan@gmail.com

Chitwan Post Epaper
AmazingCounters.com

© २०१०-२०१८ चितवन पोष्ट - दैनिक समाचारपत्र | सर्वाधिकार सुरक्षित. वेब तथा होस्टिङ सेवा: नमस्टेक

To Top