Chitwan Post Epaper
विश्व

गैरकानुनी रुपमा सीमा पार गर्न खोज्ने घाइते

अम्मान । जोर्डनको सैनिक र गैरकानुनी रुपमा प्रवेश गर्न खोज्ने दुई सशस्त्र व्यक्तिसँग झडप भएको समाचार छ ।
ती दुई सशस्त्र व्यक्ति सिरियातर्फबाट गैरकानुनी रुपमा आफ्नो देशमा प्रवेश गर्न खोजेकाले सैनिक र सशस्त्र व्यक्तिहरुबीच झडप भएको सरकारी समाचार समिति पेट्रा समाचार समितिले जनाएको छ ।
सीमा सुरक्षा सैनिकले रोकिन आदेश दिँदा उनीहरुले नटेरेका, उल्टै सैनिक माथि जाई लागेकाले सुरक्षा कारबाहीमा परी घाइते भएको सैनिक स्रोतले जनाएको छ ।
पछि उनीहरुलाई उपचारार्थ नजिकैको स्वास्थ्य केन्द्रमा लगिएको र लगत्तै थुनामा राखिएको छ । सो क्रममा केही सैनिक पनि घाइते भएका बताइएको छ ।
गत सोमबार पनि यसैगरी गैरकानुनी रुपमा सिरियाबाट जोर्डन प्रवेश गर्न खोज्ने सशस्त्र आप्रवासीको समूह र सैनिकबीच भिडन्त हुदा सेनाको कारबाहीमा परी एक जनाको मृत्यु भएको थियो ।
सो भिडन्तमा परी अन्य केही व्यक्ति घाइते भएका समेत सैनिक स्रोतले बताएको छ । उक्त क्षेत्रबाट यसअघि पनि गैरकानुनी रुपमा प्रवेश गर्ने गरेकाले सैनिकले व्यापक मात्रामा निगरानी बढाएको थियो ।
सैनिक स्रोतका अनुसार सन् २०१३ को वर्षभरि सिरियाबाट गैरकानुनी रुपमा जोर्डन प्रवेश गर्न खोज्ने एक हजार ५९५ जना सशस्त्र आप्रवासीलाई सेनाले नियन्त्रणमा लिएको थियो ।
यसैबीच, सन् २०१२ को तुलनामा सन् २०१३ मा जोर्डन–सिरिया सीमाक्षेत्रमा अवैध हातहतियार तस्करी परिमाणमा तीन सय प्रतिशतले वृद्धि भएको जोर्डन सेनाले जनाएको छ ।
तस्करीका क्रममा रहेका ९ सय थान आधुनिक हातहतियार, ६० लाख चक्की लागूऔषध, २४ वटा सिरियाली नम्बर प्लेटका गाडीहरु सेनाले जफत गरेको समेत जनाइएको छ । रासस÷सिन्ह्वा

Comments
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.

धेरै पटक हेरिएको

Chitwan Post Epaper

सम्पर्क

चितवन पोष्ट, दैनिक समाचार पत्र
नारायणगढ, चितवन

फोनः ०५६-५७१४९२

फ्याक्स:  ०५६-५७११२०

इमेल: postchitwan@gmail.com

Chitwan Post Epaper
AmazingCounters.com

© २०१०-२०१८ चितवन पोष्ट - दैनिक समाचारपत्र | सर्वाधिकार सुरक्षित. वेब तथा होस्टिङ सेवा: नमस्टेक

To Top