Chitwan Post Epaper
विश्व

युक्रेनमा रातभर भिडन्त, २५ को मृत्यु

किभ । युक्रेनमा मङ्गलबार व्यापक मात्रामा भिडन्त भएको समाचार छ । प्रहरी र प्रदर्शनकारीबीचको सो भीडन्तका क्रममा कयौँ व्यक्ति मारिएका छन् ।
सरकारविरोधी प्रदर्शनका क्रममा ती व्यक्तिको निधन भएको बताइएको छ । युक्रेनमा केही दिनयतादेखि सरकारका विरूद्धमा प्रदर्शन जारी रहेको छ । सो क्रममा मङ्गलबार रातभरि भिडन्त भएको थियो । सो भिडन्तका क्रममा २५ जनाको ज्यान गएको त्यहाँको स्वास्थ्य मन्त्रालयले जानकारी दिएको छ ।
उक्त प्रदर्शनका क्रममा कम्तीमा पनि २४१ जना प्रदर्शनकारी पनि घाइते भएका छन् । उनीहरुलाई अस्पताल भर्ना गरिएको छ । अस्पतालमा भर्ना गरिएका प्रदर्शनकारीमा ७९ जना प्रहरी पनि रहेका छन् । मङ्गलबार राति निकै कडा भिडन्त भएको र कयौं नागरिक सख्त घाइते भएका बताइएको छ ।
युक्रेनको स्वास्थ्य मन्त्रालयले दिएको जानकारीअनुसार अस्पतालमा भर्ना भएकामा केही पत्रकार पनि रहेका छन् । ठूलो सङ्ख्याका व्यक्ति घाइते भएका बताइएको छ । मारिनेमा केही प्रहरी पनि परेका छन् । तर, के–कति प्रहरी थिए भन्नेबारेमा भने केही खुलाइएको छैन ।
एक जना पत्रकार मारिए
यसैबीच सोही भिडन्तपछि भएको आक्रमणमा परी त्यहाँका एक जना पत्रकारको पनि ज्यान गएको समाचारमा जनाइएको छ । ती पत्रकारलाई गोली हानी हत्या गरिएको समाचार बुधबारका अखबारहरुमा छापिएको छ । उनलाई अज्ञात व्यक्तिले गोली हानी हत्या गरेका हुन् ।
युक्रेनमा रातभरि भिडन्त र गोली हानाहान भएको थियो । कडा रुपमा भएको सो आक्रमणपछि उक्त आक्रमणको समाचार सङ्कलन गरी ती पत्रकार घर फर्किंदै थिए ।
उनको हत्या भएको समाचार पत्रिकाको बुधबारको संस्करणमा छापिएको छ । अस्पताल भर्ना गरिएका उनको बुधबार बिहान मृत्यु भएको बताइएको छ ।
रसियाली भाषाको समाचार पत्रिकामा कार्यरत भ्याचस्लाभ वर्मेईको अस्पतालमा मृत्यु भएको हो । उनलाई भने सो आन्दोलनबाट घर फर्किने क्रममा आक्रमण गरिएको थियो ।
ट्याक्सीमा घर फर्किरहेका उनीमाथि ट्याक्सीमै आक्रमण भएको थियो । ट्राफिक बत्तीमा ट्याक्सी रोकिराखेको बेला अज्ञात व्यक्तिहरुले हमला गरेका थिए । सो विरोध प्रदर्शनका क्रममा पनि पत्रकारहरुको समूहलाई नै लक्ष्य गरेर बन्दुक प्रहार गरिएको थियो । त्यस क्रममा उनीहरु घाइते भएका थिए । रासस÷एएफपी

Comments
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.

धेरै पटक हेरिएको

Chitwan Post Epaper

सम्पर्क

चितवन पोष्ट, दैनिक समाचार पत्र
नारायणगढ, चितवन

फोनः ०५६-५७१४९२

फ्याक्स:  ०५६-५७११२०

इमेल: postchitwan@gmail.com

Chitwan Post Epaper
AmazingCounters.com

© २०१०-२०१८ चितवन पोष्ट - दैनिक समाचारपत्र | सर्वाधिकार सुरक्षित. वेब तथा होस्टिङ सेवा: नमस्टेक

To Top