Chitwan Post Epaper
विश्व

तालिवानसँगको शान्तिवार्ता स्थगित

    पाकिस्तान । पाकिस्तानमा तालिवानसँग सरकारले करिब दुई हप्ताअघि सुरू गरेको शान्तिवार्ताको अन्त्य भएको घोषणा गरिएको छ । सो वार्ता सङ्कटमा परेको समाचार सोमबारै सार्वजनिक भएको थियो ।
पाकिस्तान सरकारले मङ्गलबार तालिवानहरुसँगको शान्तिवार्ता सरकारका तर्फबाट रद्द भएको जानकारी गराएको एक जना सुरक्षा अधिकारीले जानकारी दिएका छन् ।
सो समाचारपछि पाकिस्तानी अधिकारीहरुले तालिवानसँगको वार्ता एकतर्फ रद्द भएको जानकारी गराएको ती सुरक्षा अधिकारीले मङ्गलबार बिहान जानकारी दिएका छन् ।
यसैबीच, मङ्गलबार बिहानीपख मात्र तालिवानहरुले पाकिस्तानको उत्तरी द्वन्द्वग्रस्त क्षेत्रमा रहेको एक सैनिक पोष्टमा हमला गरी एक जना पाकिस्तानी सैनिकको हत्या गरेका छन् ।
सरकारले तालिवानसँगको वार्ताको औचित्य समाप्त भएको सार्वजनिक जानकारी गराएको केही समयअघिमात्र तालिवानहरुले सो चौकीमा हमला गरेका छन् ।
सोमबारै पनि पाकिस्तानी प्रधानमन्त्री नवाज सरिफले सो वार्ताको अर्थ नरहने बताउनुभएको थियो । उहाँले पाकिस्तानी जनतालाई हत्या, हिंसाबाट मुक्त गर्नका लागि आफूले सुरू गरेको पहललाई तालिवानहरुले व्यर्थ तुल्याइदिएको बताउनुभएको थियो ।
तालिवानहरुले आफ्नो नियन्त्रणमा रहेका २३ जना पाकिस्तानी सैनिकको हत्या गरेकाले यो जघन्य अपराध भएको भन्दै सरकारले तालिवानसँग वार्ता नगर्ने जानकारी प्रधानमन्त्री सरिफले दिनुभएको थियो । अपहरण गरेका २३ सैनिकको हत्या भएकोमा प्रधानमन्त्री नवाज सरिफले गम्भीर अपराध भएको भनी भत्र्सना गर्नुभएको थियो ।
उत्तरपश्चिमी मोहमन्द जिल्लाको तेहरिक–ए–तालिवान पाकिस्तानले आइतबार राति उनीहरुले चार वर्षअगाडि अफगान सीमानजिकै अपहरण गरेका २३ अर्धसैनिक व्यक्तिलाई मारेको दाबी गरेको छ ।
प्रधानमन्त्री सरिफको कार्यालयले जारी गरेको विज्ञप्तिमा यस्ता घटनाले शान्ति प्रवद्र्धन गर्ने लक्ष्य राखिएको हालको काममा अवरोध उत्पन्न भएको भन्दै वार्ता नहुने स्पष्ट गरेको छ ।
सोमबार नै सो शान्तिवार्ता हुने भनिएकोमा त्यसको सम्भावना नरहेको आशङ्का पनि व्यक्त गरिएको थियो । सरकारले अहिले शान्तिवार्ता टोली नै भङ्ग गरेको छ ।
पाकिस्तानमा सात वर्षअगाडि सुरू भएको विद्रोहमा हालसम्म सात हजार व्यक्तिको ज्यान गइसकेको छ । प्रधानमन्त्री सरिफले शान्तिवार्ताका माध्यमबाट समस्या समाधान गर्न तालिवानसँग वार्ताको पहल गर्नुभएको थियो ।
पाकिस्तान सरकारको तर्फबाट राखिएका वार्ताकारहरुले सोमबार दुःखद तथा भत्र्सनायोग्य हत्या भएको भन्दै वार्ता उद्देश्यहीन हुने भएको बताएका थिए ।
सरकारी प्रमुख वार्ताकार इर्फान सिद्दिकीले सोमबार नै एक विज्ञप्ति प्रकाशन गरी वार्ताका बारेमा लिइने आवश्यक कदमका बारेमा मङ्गलबार छलफल गर्न बैठक बोलाइएको बताउनुभएको थियो ।
सोहीबमोजिम उहाँले मङ्गलबार बैठक बोलाउनुभएको र सोही बैठकमार्फत नै वार्ता स्थगित गरिएको जानकारी दिनुभएको समाचारमा जनाइएको छ । रासस÷एएफपी

Comments
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.

धेरै पटक हेरिएको

Chitwan Post Epaper

सम्पर्क

चितवन पोष्ट, दैनिक समाचार पत्र
नारायणगढ, चितवन

फोनः ०५६-५७१४९२

फ्याक्स:  ०५६-५७११२०

इमेल: postchitwan@gmail.com

Chitwan Post Epaper
AmazingCounters.com

© २०१०-२०१८ चितवन पोष्ट - दैनिक समाचारपत्र | सर्वाधिकार सुरक्षित. वेब तथा होस्टिङ सेवा: नमस्टेक

To Top