Chitwan Post Epaper
विश्व

सामाजिक विकास र लैङ्गिक समानताको प्रशंसा

हवाना । क्यारेबियन राष्ट्र क्युवाले सामाजिक विकास र लैङ्गिक समानतामा उल्लेखनीय प्रयास गरेको संयुक्त राष्ट्रसंघका महासचिव बान कि मुनले बताउनुभएको छ ।
क्युनिटी अफ ल्याटिन अमेरिकन एण्ड क्यारिबियन स्टेट्स (सेलाक) को दोस्रो शिखर सम्मेलनका विशेष अतिथिका रुपमा  महासचिव मुन हवाना पुग्नुभएको थियो ।
मुनले क्युवाली सरकारी अधिकारीहरु र नागरिक समाजका प्रतिनिधिहरुसँग भेटघाट गर्ने कार्यक्रम रहेको छ । सेलाकको स्थापना स्पेनमा भएको जनाइएको छ ।
क्युवामा सामाजिक विकास र लैङ्गिक समानताका लागि स्थापना गरिएको ‘नेसनल सेन्टर फर सेक्स एजुकेसन’ नामक राष्ट्रिय सङ्गठनका पदाधिकारीहरुसँगको छलफलमा महासचिव मुनले सङ्गठनका गतिविधिलाई क्युवाली सरकारले सघाएकोमा खुलेर प्रशंसा गर्नुभएको छ ।
संयुक्त राष्ट्रसंघले उक्त सङ्गठनका गतिविधिलाई ‘युमाइट’ नामक आयोजनाअन्तर्गत आर्थिक तथा भौतिक सहयोग गर्दै आएको उक्त सङ्गठनको प्रमुख उद्देश्य महिला हिंसाको अन्त्य गर्न र महिला अधिकार संरक्षण गर्नु र सामाजिक विकास गर्नु रहेको छ । त्यहाँको नागरिक समाजले सो आयोजनालाई सहयोग गरिरहेकोमा पनि मुनले सन्तोष व्यक्त गर्नुभयो ।
भ्रमणका क्रममा सङ्गठनकी निर्देशिका मारिएला क्यास्ट्रो इस्पनिले बानलाई उपहार दिनुभएको थियो । छलफलका क्रममा विश्वबाट महिला हिंसा अन्त्य गर्नु एक सपनामात्र नभई सम्भावना समेत हो, यसमा क्युवाली नागरिक समाज, सरकार र समाजसेवीहरुको समान प्रयास निरन्तर हुनुपर्ने समेत बताउनुभयो । रासस÷सिन्ह्वा

Comments
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.

धेरै पटक हेरिएको

Chitwan Post Epaper

सम्पर्क

चितवन पोष्ट, दैनिक समाचार पत्र
नारायणगढ, चितवन

फोनः ०५६-५७१४९२

फ्याक्स:  ०५६-५७११२०

इमेल: postchitwan@gmail.com

Chitwan Post Epaper
AmazingCounters.com

© २०१०-२०१८ चितवन पोष्ट - दैनिक समाचारपत्र | सर्वाधिकार सुरक्षित. वेब तथा होस्टिङ सेवा: नमस्टेक

To Top