Chitwan Post Epaper
विश्व

इन्डोनेसियाको पहिरोमा परी १९ को मृत्यु

    जकार्ता । इन्डोनेसियाको प्रमुख द्वीप जाभामा भारी वर्षापछि आएको पहिरोहरुमा परी कम्तीमा १९ व्यक्तिको मृत्यु भएको समाचार छ । सो पहिरोमा अन्य १० जना बेपत्ता भएको समेत सरकारी अधिकारीहरुले जानकारी दिएका छन् ।
पूर्वी जाभाद्वीपको जोम्वाङ्ग जिल्लास्थित पहाडी इलाकामा भारी वर्षापछि आएको पहिरोमा पाँचवटा घर पुरिएको राष्ट्रिय दैवी प्रकोप व्यवस्थापन र न्यूनीकरण निकायका प्रवक्ता सुतोपो पुर्वो नुङ्रोहोले बताएका छन् ।
स्थानीय समयअनुसार मङ्गलबार बिहान १.३० बजे पहिरो गएको स्थानीय दैवी प्रकोप निकायका अधिकारी पुट्रा आनुगेराहले बताएका छन् । पहिरो प्रभावित क्षेत्रबाट १९ वटा शव निकालेको र अझै १० व्यक्ति बेपत्ता रहेका नुङ्रोहोले थप जानकारी दिएका छन् ।
पहिरोबाट पाँचवटा घर पूरै ध्वस्त भएको जनाइएको छ । सैनिक र स्थानीय समुदायका सदस्यहरुको सहयोगमा बेपत्ता व्यक्तिको खोजीकार्य भइरहेको अधिकारीहरुले जानकारी दिएका छन् । रासस÷एपी

Comments
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.

धेरै पटक हेरिएको

Chitwan Post Epaper

सम्पर्क

चितवन पोष्ट, दैनिक समाचार पत्र
नारायणगढ, चितवन

फोनः ०५६-५७१४९२

फ्याक्स:  ०५६-५७११२०

इमेल: postchitwan@gmail.com

Chitwan Post Epaper
AmazingCounters.com

© २०१०-२०१८ चितवन पोष्ट - दैनिक समाचारपत्र | सर्वाधिकार सुरक्षित. वेब तथा होस्टिङ सेवा: नमस्टेक

To Top