Chitwan Post Epaper
विश्व

विस्तृत राष्ट्रियवार्ताका लागि आह्वान्

   खार्तुम । सुडानका राष्ट्रपति ओमार अल बसिरले देशका सबै राजनीतिक शक्तिलाई राष्ट्रियवार्ताको लागि आह्वान् गर्नुभएको छ । हाल सुडानले राजनीतिक तथा आर्थिक मामलामा द्वन्द्वको सामना गरिरहेको छ  ।
राजनीतिक नेताहरुलाई सम्बोधन गर्दै हाल सत्तामा रहेका नेसनल कांग्रेस पार्टी (एनसीपी) ले प्रस्तुत गरेको विस्तृत सुधार योजनाको  पनि राष्ट्रपतिले घोषणा गर्नुभएको छ ।
दक्षिण सुडान र मूल सुडान भूमि भागबन्डा गर्नुको सट्टा दुवै सुडानमा समग्र विकास हुने योजनाको खाँचो परेको राष्ट्रपति बसिरले जनाउनुभयो । दक्षिण सुडानका जनताले पनि विभक्त मानसिकतालाई त्यागी दुवै सुडान एकै भन्ने राष्ट्रिय भावना राख्नुपर्ने बताउनुभयो ।
एनसीपीले प्रस्तुत गरेको सुधार योजनामा संवैधानिक अधिकारको सुनिश्चितता आर्थिक विकासको पुनः सुदृढीकरण र राष्ट्रिय पहिचानको सशक्तीकरणजस्ता प्रमुख एजेन्डा पर्दछन् ।
राष्ट्रपति अल बसिरको सम्बोधन कार्यक्रममा सुडानका सबैजसो विपक्षी नेताहरु उपस्थित थिए । एउटा पार्टी नेसनल अलायन्सले मात्र उक्त राजनीतिक वार्तामा भाग लिएको थिएन ।
यस पार्टीले हालको सरकार भङ्ग गरी स्वतन्त्र, निष्पक्ष निर्वाचित सरकार गठन हुनुपर्ने माग गर्दै आएको छ । रासस÷सिन्ह्वा

Comments
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.

धेरै पटक हेरिएको

Chitwan Post Epaper

सम्पर्क

चितवन पोष्ट, दैनिक समाचार पत्र
नारायणगढ, चितवन

फोनः ०५६-५७१४९२

फ्याक्स:  ०५६-५७११२०

इमेल: postchitwan@gmail.com

Chitwan Post Epaper
AmazingCounters.com

© २०१०-२०१८ चितवन पोष्ट - दैनिक समाचारपत्र | सर्वाधिकार सुरक्षित. वेब तथा होस्टिङ सेवा: नमस्टेक

To Top