Chitwan Post Epaper
विश्व

चीनको बाढी पहिरोमा मृत्यु हुने वा हराउने दुईसय नाघे

सिचुवान (चीन), २८ असार । मनसुनी वर्षासँगै चीनमा आएको बाढी र पहिरोमा परी शुक्रबारसम्म मृत्यु हुने वा हराउने नागरिकको सङ्ख्या २०० नाघेको समाचारमा जनाइएको छ ।  हालैका दिनमा चीनमा आएको सो बाढी र पहिरोमा परी दक्षिण–पश्चिम चीनको सिचुआन प्रान्त सबैभन्दा बढी प्रभावित भएको छ । सो प्रान्तमा शुक्रबार पनि मनसुनी वर्षा रोकिएको छैन ।

 

सो प्रान्तमा २०० भन्दा बढी नागरिक मारिएका वा हराइरहेका चिनियाँ अधिकारीहरूले जनाएका छन् । हजारौँ नागरिक त्यहाँबाट विस्थापित भएका पनि समाचारमा जनाइएको छ । शुक्रबारसम्म सिचुवान प्रान्तमा आएको भारी वर्षा र पाहिरोमा परी ३७ जनाको ज्यान गएको छ भने अरु १६० भन्दा बढी हराइरहेका छन् । त्यसैगरी थप केही नागरिक पहिरोमा पुरिएको पनि समाचारमा जनाइएको छ ।

चिनियाँ समाचार समिति सिन्ह्वाले दिएको जानकारी अनुसार सो बाढी र पहिरोका कारण त्यहाँ ठूलो जनधनको क्षति भएको जनाएको छ ।   गत जनवरीमा पनि युनान प्रान्तमा गएको पहिरोमा परी ४६ व्यक्तिको मृत्यु भएको थियो । चीनमा जारी मनसुनी वर्षाका कारण हालका दिनहरूमा भारी वर्षाको प्रकोपले सताइरहेको छ ।  शुक्रबार पनि प्राकृतिक प्रकोपबाट मारिने क्रम जारी नै रहेको बताइएको छ । त्यसको पछिल्लो हताहतिको समाचार भने आएको छैन ।

मनसुनी सक्रियताका कारण चीनमा बाढी पहिरो जारी रहेको समाचारमा जनाइएको छ । बुधबार मात्र पहिरोबाट एक हजारभन्दा बढी व्यक्तिलाई उद्धार गरिएको थियो । रासस/एएफपी

Comments
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.

धेरै पटक हेरिएको

Chitwan Post Epaper

सम्पर्क

चितवन पोष्ट, दैनिक समाचार पत्र
नारायणगढ, चितवन

फोनः ०५६-५७१४९२

फ्याक्स:  ०५६-५७११२०

इमेल: postchitwan@gmail.com

Chitwan Post Epaper
AmazingCounters.com

© २०१०-२०१८ चितवन पोष्ट - दैनिक समाचारपत्र | सर्वाधिकार सुरक्षित. वेब तथा होस्टिङ सेवा: नमस्टेक

To Top