Chitwan Post Epaper
विश्व

जापानी प्रतिरक्षा प्रतिवेदनमा तथ्यलाई ध्यान नदिइएको चीनको आरोप

बेइजिङ, २८ असार । चीनले दबाब तथा जोखिममुलुक प्रतिरक्षा क्रियाकलाप गरेको र यसले दुर्घटना निम्त्याउन सक्ने आरोप सहितको जापानको आधिकारिक प्रतिरक्षा प्रतिवेदन तथ्यविहीन भएको दाबी बेइजिङले गरेको समाचार सिन्ह्वा समाचार समितिले शुक्रबार दिएको छ ।

जापानको नयाँ स्वेतपत्र पूर्वी चीन जल क्षेत्रका विषयमा गत वर्ष चीन तथा ताइवानसँग विवाद उत्पन्न भएपछि प्रकाशन भएको यस प्रकारको पहिलो प्रतिवेदन हो ।

जापानी प्रतिवेदनमा तथ्यलाई ध्यान नदिइएको र चीनलाई सैनिक चुनौतीको रूपमा देखाइएको भनी चिनियाँ प्रतिरक्षा मन्त्रालयका प्रवक्ता जेङ यानसेङले बताउनुभयो भनी सिन्ह्वा समाचार संस्थाले उद्धरण गरेको छ ।

टोकियोले मङगलबार पारित गरेको उक्त प्रतिवेदनमा जापानको प्रतिरक्षा क्षमता तथा क्षेत्रीय सुरक्षाको विषयमा उल्लेख गरिएको छ ।

प्रतिवेदनमा बेइजिङको व्यवहारले दुर्घटना निम्त्याउन सक्ने उल्लेख गरिएको छ । चीनको सेना विश्वको सबैभन्दा ठूलो हो र यसले हालको वर्षमा आफ्नो क्षमता विस्तार गरेको छ । सन् २०१२ मा उसले विमानबाहक जहाज पनि सैनिक सेवामा तैनाथ गरेको छ ।

प्रवक्ता जेङले चीनको व्यवहार वैध, मुलुकको सार्वभौमसत्ताको सुरक्षाको लागि भएको तथा जापानी प्रतिवेदन आधारहीन भएको बताउनुभयो । उहाँले चीन शान्तिपूर्ण विकासको मार्गमा रहेको पनि उल्लेख गर्नुभयो ।

प्रतिवेदनमा चिनियाँ विमान र जापानी युद्धक विमान ३०० पटक एकअर्काको नजिक पुगेको र चिनियाँ युद्धक जहाजले जापानी जहाजको हतियार सञ्चालन गर्ने राडार बन्द गरिदिएको आरोप लगाइएको छ । यस आरोपलाई चीनले यसअघि नै अस्वीकार गरेको छ । रासस/एएफपी

Comments
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.

धेरै पटक हेरिएको

Chitwan Post Epaper

सम्पर्क

चितवन पोष्ट, दैनिक समाचार पत्र
नारायणगढ, चितवन

फोनः ०५६-५७१४९२

फ्याक्स:  ०५६-५७११२०

इमेल: postchitwan@gmail.com

Chitwan Post Epaper
AmazingCounters.com

© २०१०-२०१८ चितवन पोष्ट - दैनिक समाचारपत्र | सर्वाधिकार सुरक्षित. वेब तथा होस्टिङ सेवा: नमस्टेक

To Top