भरतपुर । जिल्ला कृषि विकास कार्यालय चितवनमा शुक्रबार सम्पन्न एक भेलाले जिल्ला कृषि सञ्चार समन्वय समिति गठन गरेको छ । वरिष्ठ कृषि विकास अधिकृत राजाराम अधिकारीको संयोजकत्वमा ११ सदस्यीय समिति गठन गरिएको हो ।
समितिमा राष्ट्रिय कोशेबाली अनुसन्धान कार्यक्रम रामपुर, मौरी पालन विकास कार्यक्रम भण्डारा, राष्ट्रिय पशुपक्षी अन्वेषण प्रयोगशाला भरतपुर, नर्सरी व्यवस्थापन भण्डारा, कृषि सामग्री कम्पनी भरतपुर, राष्ट्रिय मकैबाली अनुसन्धान कार्यक्रम रामपुर, मत्स्य विकास केन्द्र, भण्डाराका प्रमुखहरु सदस्य रहनेछन् ।
त्यस्तै समितिको सदस्यमा कालिका एफएमका कृषि कार्यक्रम सञ्चालक गोविन्द न्यौपाने, संचारकर्मी प्रस्ताब सुवेदीसमेत रहेका छन् ।
Discussion about this post