काठमाडौँ । निर्वाचनको समयमा जनतासँग राजनीतिक दलहरूले वर्ष दिनभित्र संविधान जारी गर्ने गरी गरेको प्रतिबद्वताअनुरुप संविधानसभाअन्तर्गत पाँच समिति रहने गरी संविधान लेखन कार्यलाई तीव्रता दिन संविधानसभा नियमावलीको मस्यौदा संविधानसभामा पेस भएको छ ।
गत फागुन २९ मा लक्ष्मणलाल कर्णको संयोजकत्वमा गठन भएको ४९ सदस्यीय नियमावली मस्यौदा समितिले तयार पारेको नियमावलीको मस्यौदा आजको संविधानसभा वैठकमा प्रस्तुत भएको हो ।
संयोजक कर्णले सङ्क्रमणकालबाट मुलुकलाई मुक्त गर्न सबै दलले एक वर्षमा संविधान दिन गरेको वाचाअनुरुप संविधान निर्माणको कार्यलाई सरलीकृत गर्न विगतको समितिको सङ्ख्या घटाई पाँच समिति निर्धारण गरी तिनको कार्यक्षेत्रसमेत मस्यौदामा तोकिएको बताउनुभयो ।
संविधानसभाले संविधान निर्माणमा सहयोग पु¥याउन संविधानसभाअन्तर्गत संवैधानिक राजनीतिक संवाद तथा सहमति, संविधान अभिलेख अध्ययन तथा निक्र्यौल, संविधान मस्यौदा, नागरिक सम्बन्ध तथा संविधान सुझाव र क्षमता अभिवृद्वि तथा स्रोत व्यवस्थापन गरी पाँच समितिको व्यवस्था गरिएको छ ।
Discussion about this post