अदालतले ‘बा’ खोजेपछि…

अन्ततः केटी राजी भई पूर्वप्रेमीसँग
दिपेन्द्र अधिकारी
भरतपुर । घटना केही दिन अघिको मात्र हो । प्रेमीसँगको आपसी समझदारीमा भएको असुरक्षित यौनसम्बन्धले प्रेमिका गर्भवती भइन् । जुन कुरा केटीको अभिभावकलाई थाहा थिएन । केटीले पनि अभिभावकसामु यस्तो कुरा खुलाउन चाहिनन् ।
प्रेमीसँगको सहबासपछि बसेको गर्भलाई ख्याल नगरी अभिभावकको आग्रहमा केटीले रोजेको केटासँग विहे गर्न राजी भइन् । विहेपछि श्रीमान्ले उनी गर्भवती भएको थाहा पाए । थाहा पाउने बित्तिकै श्रीमान्ले सल्लाह नै गरेर सम्बन्ध विच्छेदको प्रस्ताव राखे ।
विहे भएको केटाले केटी अरु अमुक व्यक्तिसँगको सहवासबाट गर्भवती भएको भन्दै सम्बन्ध विच्छेदको लागि निवेदन गरे । अदालतले मुद्दा अघि बढ्ने क्रममा केटीसँग सोधपुछ ग¥यो । केटीले फरक केटासँगै सहवास र गर्भाधान स्वीकार गरिन् । उनी झण्डै तीन महिनाको गर्भवती रहेको अदालत स्रोतले बताएको छ ।
केटीलाई अदालतले पेटमा रहेको बच्चाको बा (बुबा) ल्याउन भन्यो । सोही अनुसार वीरगंज घर भएका ती केटा अदालतमा हाजिर भए । केटाले पनि आफूहरु प्रेमसम्बन्धमा रहेको र गर्भ आफूहरुबीचकै सम्बन्धबाट भएको स्वीकार ग¥यो । ती प्रेमीले भने, ‘बच्चाको बा म नै हुँ ।’ केटी पनि राजी भई पूर्वप्रेमीसँग बस्न ।
त्यसपछि अदालतमा प्रेमीले विहे भएको प्रेमिकासँग आफ्नो नाता सम्बन्ध कायम होस् भनी चितवन अदालतमा निवेदन दिए । केटा पक्षबाट नाता कायम सम्बन्धमा परेको यस्तो मुद्दा पहिलो भएको अदालतका नायव सुब्बा जयनारायण आचार्य बताउँछन् । यो घटना मेघौलीको हो ।
अदालतका नासु आचार्यका अनुसार दैनिक औसतमा २ वटा  सम्बन्ध विच्छेदसँग सम्बन्धित मुद्दा पर्ने गरेको बताए । यस आर्थिक वर्षको फागुन महिना सकिन लाग्दासम्म (८ महिना) मा २९० जति सम्बन्ध विच्छेदका मुद्दा परेका छन् । यही अनुपातमा यो मुद्दा दर्ता भएमा यस आर्थिक वर्षमा संख्या ४ सय पुग्ने देखिन्छ ।