बिरामी कुरूवा भवन बन्ने

भरतपुर । बीपी कोइराला मेमोरियल क्यान्सर अस्पताल भरतपुरमा उपचारमा आउने बिरामी कुरूवाका लागि नयाँ भवन बन्ने भएको छ । पाँच महिनाको अवधिमा १० लाख रूपैयाँमा भवन अर्वुद रोग निवारण संस्था चितवनका अध्यक्ष दिनेशकुमार चुकेले बताए ।
कुल २० वेड रहने यस भवनका लागि वेडको निःशुल्क सहयोग बीपी स्मृति कोष काठमाडौंबाट प्राप्त भएको अध्यक्ष चुकेले बताए । सोमबार भरतपुरमा भएको पत्रकार सम्मेलनमा जानकारी दिँदै अध्यक्ष चुकेले आगामी चैत्र ८ गते हुने एक विशेष कार्यक्रमबाट ५ लाख उठाउने तयारी भएको बताए ।
चाइनिज एक्रोवेटिकी समूहको विशेष कला प्रदर्शन आयोजना गरिएको र यसबाट टिकट बिक्री गरी रकम उठाइने उनले बताए ।
क्यान्सर अस्पतालको आफ्नै स्वामित्वमा हाल ५३ वेड रहेको छ । त्यस्तै अर्वुद रोग निवारण संस्थाले ८ वटा वेड संचालनमा ल्याइरहेको छ । क्यान्सर अस्पतालमा बिरामीको चापसँगै कुरूवाको व्यवस्थित बसोबासका लागि यस्तो प्रयास गरिएको अध्यक्ष चुकेले बताए ।