सौराहामा ५० करोडसम्मको होटल

अन‌ि यो पनि

सौराहा । उत्कृष्ट पर्यटकीय गन्तव्यको रूपमा विकास हुँदै गइरहेको सौराहामा ठूलो लगानीमा होटल खुल्नेक्रम बढेको छ ।
पर्यटकीय क्षेत्रमा लगानी गर्दा सुरक्षित हुने भएकाले निजी क्षेत्रको ध्यान अहिले पर्यटन व्यवसायमा खिचिन थालेका छ । काठमाडौं र पोखरामा लामो समयदेखि व्यवसाय सञ्चालन गर्दै आइरहेका ठूला व्यवसायीहरुले पछिल्लो समय सौराहामा होटल सञ्चालन गरेका छन् ।
पछिल्लो समय सौराहामा झण्डै एक दर्जन होटलहरुले आफ्नो सेवा सुरू गरेका छन् । पर्यटकलाई आवश्यक सुविधा प्रदान गर्न भनी व्यवसायीहरुले होटलमा ठूलो लगानी गरिरहेका छन् ।
अहिले सौराहामा १० करोडदेखि ५० करोडसम्मको लगानीमा होटल निर्माण गरी सञ्चालनमा ल्याइएको छ । सौराहामा चार जना ठूला व्यवसायीहरुले होटल सेन्ट्रल पार्क सञ्चालनमा ल्याएका छन् । व्यवसायीहरु सिवी थापा, श्यामकाजी महत, रूस्तम बानियाँ र ईश्वर खड्काको संयुक्त लगानीमा  होटल सञ्चालनमा ल्याइएको हो ।
२१ करोडको लगानीमा निर्माण गरिएको सो होटलमा ४६ वटा रूम रहेको र १०० जनाको क्षमता रहेको होटलका अध्यक्ष सिवी थापाले बताउनुभयो । होटलमा पर्यटकको सुविधालाई ध्यानमा राखेर रूमको डिजाइन, स्वीट रूम, सभाहल, पौडी पोखरी, ट्राभल डक्स, मनी एक्सचेन्जसमेत सुविधा होटलबाटै प्रदान गरिने उहाँले जानकारी दिनुभयो ।
‘अब पर्यटकलाई अधिकतम सुविधा दिन नसके होटल चल्दैन’ उहाँले भन्नुभयो ‘यसैलाई मध्यनजर गरी सेवा सुविधामा कुनै पनि कटौती गरेका छैनौँ । पर्यटकलाई सेवासँगै होटलले स्थानीयलाई पनि केही दिन सक्नुपर्छ भन्ने मान्यताका साथ ३५ जना स्थानीय युवालाई रोजगारी तथा स्थानीय उत्पादनलाई होटलमा प्रयोग गर्ने योजना रहेको अध्यक्ष थापाको भनाइ रहेको छ । होटल सञ्चालन भएसँगै पर्यटक आगमन बढ्न थालेको सञ्चालक श्यामकाजी महतले बताउनुभयो । सौराहामा अहिलेसम्म १०० वटा होटल सञ्चालनमा छन् ।

प्रतिकृया

मुख्य समाचार

प्रतिनिधिसभा विघटनविरुद्धको रिटमाथि बहस पुनः सुरु

काठमाडौँ । सर्वोच्च अदालतमा प्रतिनिधिसभा विघटनविरुद्ध शेरबहादुर देउवासहितका सांसदले दायर गरेको रिटमाथि पुनः आजदेखि बहस सुरु भएको छ । सर्वोच्च...

धेरै पढिएको

अन्य समाचार

प्रतिकृया