विजयी पदाधिकारीलाई बधाई

नारायणगढ । स्वतन्त्र पत्रकार संघ चितवनले पत्रकार महासंघ चितवनको १० औँ शाखा अधिवेशनमा विजयी पदाधिकारीहरुलाई बधाई ज्ञापन गरेको छ । संघका अध्यक्ष सूर्यप्रकाश कँडेलले आइतबार विज्ञप्ति जारी गरी संघको तर्फबाट उम्मेदवार बनेका व्यवसायी तथा क्रियाशील पत्रकारहरुको प्यानलबाट विजयी उपाध्यक्ष दीपेन्द्र बडुवालसहित अध्यक्ष तथा सम्पूर्ण निर्वाचित पदाधिकारीहरुलाई बधाई ज्ञापन गरेका छन् ।
संघका तर्फबाट उम्मेदवारी दिएका सात जना पार्सदमा विजयी भएका छन् । जसमध्ये अध्यक्ष कँडेलसहित सुरज पौडेल, नारायण ढुंगाना, विमल खतिवडा, चाँदनी हमाल, सन्तकुमार चौधरी, अमरदेव प्रधान पार्सदमा विजयी भएका थिए । त्यस्तै संघका सचिव मोहनचन्द्र रूम्वाले दिएको राजीनामा स्वीकृत गरेको छ ।