व्यूटी सेमिनार सुरू

नारायणगढ । एरोमा एसेन्सले नारायणगढमा आइतबारदेखि दुई दिने व्यूटी सेमिनार सुरू गरेको छ । सेमिनारको उद्घाटन घरेलु तथा साना उद्योग कार्यालयका उद्योग अधिकृत अर्जुन राईले उद्घाटन गरेका हुन् ।
एरोमाले चितवनका ३६ गाविससहित नवलपरासीका केही गाविसमा स्वरोजगारका लागि सिप कार्यक्रमअन्तर्गत व्यूटिसियन तालिम सञ्चालन गर्दै आएको छ । चितवन र नवलपरासी जिल्लामा तालिम लिइरहेका तथा व्यूटिसियनहरुको सेमिनारमा सहभागिता रहेको अध्यक्ष कृष्ण विकले जानकारी दिए ।
सेमिनारमा भारतबाट आएका सौन्दर्यविज्ञ निरजकुमार तथा एरोमा एसेन्सकै व्यूटिसियन अनिता रानाले सहभागीहरुलाई प्रशिक्षण दिने बताइएको छ । कार्यक्रमको अध्यक्ष विकले गरेका थिए ।