गैँडाकोट । नवलपुरको डाँडाझेरीस्थित भाङबारीमा आज शुक्रबारदेखि प्रथम डाँडाझेरी महोत्सव सुरू हुने भएको छ ।
महोत्सवको सबै तयारी पूरा भएको र प्रतिनिधिसभा सदस्य डा. शशांक कोइरालाले उद्घाटन गर्ने आयोजक संस्था डाँडाझेरी गैँडाकोट विकास समाजका अध्यक्ष दुर्गाबहादुर मसाराङ्गी मगरले जानकारी दिए ।
महोत्सवले स्थानीय कृषि उत्पादनको बजारीकरण र पर्यटकीय स्थानहरुको प्रचारप्रसार गर्ने आयोजकको दाबी छ । मंसिर १६ गतेसम्म सञ्चालन हुने सो महोत्सवमा कालीगण्डकी नदीमा जलयात्रा, बाल उद्यानका साथै डाँडाझेरीमा रहेको संस्कृति र परम्परा उजागार गर्नुका साथै राजारानी ढुंगाको अवलोकन, जलदेवी मन्दिरको दर्शन, सुन्तला, केरा, अदुवा, अम्रिसो आदिको बजार प्रवद्र्धन गरिने छ ।
महोत्सवको मुख्य प्रायोजकमा बुलिङटार गाउँपालिका, सहआयोजकमा बुलिङटार गाउँपालिका २ रहेका छन् ।
त्यस्तै सह प्रायोजकमा राना मेडिकल हल दमौली, जिल्ला उद्योग वाणिज्य संघ गैँडाकोट, फो नाइन्टी नाइन रेष्टुरेन्ट, श्याम गाहा मगर र पूर्णबहादुर मसराङ्गी मगर रहेका छन् ।
