‘एकदिन दिवस मनाउँदैमा हुँदैन’

भरतपुर । ‘समानता महिलाको लागिः प्रगति सबैका लागि’ भन्ने नाराका साथ चितवनका विभिन्न संघसंस्थाले अन्तर्राष्ट्रिय नारी दिवस मनाएका छन् । एकदिन नारी दिवस मनाउँदैमा हरेक हिंसाबाट नारी मुक्त हुँदैनन् । दिवस मनाउने तर नारीका हक अधिकार कार्यान्वयनमा नल्याउनेहरुको जमात बाक्लै छ हाम्रो समाजमा ।
यस्तै ट्रेड युनियन कांग्रेस महिला विकास समितिले यो दिवस मनायो । ¥याली र कोणसभा गरेर दिवस त मनायो, तर यसको अर्थ कति रयो या रहन्छ त्यो भने हेर्न बाँकी नै छ । कोणसभामा बोल्नेहरुले नारीलाई कतिको अधिकारी दिने हुन् पत्तो छैन । कार्यक्रम नेपाल टेड युनियन कांग्रेस महिला उपाध्यक्ष रमा पौडेलको अध्यक्षतामा सम्पन्न भएको थियो ।
त्यस्तै राष्ट्रिय शैक्षिक तथा सामाजिक विकास संस्था नेष्डो नेपालले पनि दिवस मनायो । नेष्डोले‘महिला अधिकारका सन्दर्भमा लघु वित्त सेवा’ विषयक अन्तत्र्रिmया कार्यक्रम संस्थाको पोखरा शाखामा अन्तक्र्रिया कार्यक्रम गरेको छ । संस्थाका कार्यकारी प्रमुख विश्व प्रकाश प्रसाईले नयाँ वन्ने संविधानमा महिलाहरुका अधिकारलाई संवोधन हुनुपर्ने बताउनुभयो ।
त्यस्तै, आर्थिक क्रियाकलापमा महिलाको सहभागिता कमजोर हुँदा क्षमता विकासमा पछि पर्नुपरेको महिलाहरुको गुनासो छ । चितवनको भरतपुरमा शनिबार आयोजित क्षमता विकास सम्बन्धी कार्यक्रममा सहभागी महिलाहरुले आर्थिक क्षेत्रमा पछि पारिएकोले क्षमता विकास गर्नमा पछि पर्नु परेको गुनासो गरेका हुन् ।
राष्ट्रिय विकास सेवा नामक संस्थाद्वारा आयोजित कार्यक्रममा महिलाहरुलाई परिवारले नै बाहिर ल्याउन नचाहँदा उनीहरुको क्षमता कुण्ठित भएको बताइएको थियो । सेन्ट्रल कलेज अफ भोकेशनल ट्रेडिङ प्रालिको सक्रियतामा आयोजित कार्यक्रममा महिलालाई आर्थिक क्षेत्रमा सक्रिय गराउन रोजगारीमा सहभागिता आवश्यक रहेको बताइएको छ ।
नेपाली कांग्रेसका जिल्ला सदस्य रामशरण कुवँरको प्रमुख आतिथ्यमा सम्पन्न कार्यक्रममा सेवाका अध्यक्ष सत्यनारायण राउतले महिलाले समाज परिवर्तनमा परिवार समाजमा महत्वपूर्ण भुमिका निर्वाह गर्ने बताउनुभयो । सेन्ट्रल कलेजका प्रवन्ध निर्देशक यज्ञविलास पौडेलले क्षमता विकासमा कलेजले सहयोग परामर्श दिने बताउनुभयो ।
विश्व नारी साहित्य सम्मेलन चितवन र नारी लेखक मञ्चले दिवसकै अवसरमा साहित्य गोष्ठी गरे ।