भरतपुर । राष्ट्रिय जनता पार्टीको चितवन जिल्ला अध्यक्षमा पुनः प्रेमकुमार श्रेष्ठ चयन भएका छन् । भरतपुरमा सम्पन्न प्रथम अधिवेशनबाट श्रेष्ठको अध्यक्षतामा ३१ सदस्यीय नयाँ कार्यसमिति चयन भएको हो ।
समितिको उपाध्यक्षमा एलिमा मिया, सचिवमा प्रदीप बस्नेत (सूर्य) र डालप्रसाद वस्ती, कोषाध्यक्षमा सत्यनारायण चौतारिया चयन भएका छन् ।
त्यस्तै मुना नेपालीको अध्यक्षतामा दलित जिल्ला कार्यसमिति, पूजा विश्वकर्माको अध्यक्षतामा महिला कार्यसमिति, सूर्यबहादुर लोको अध्यक्षतामा युवा समिति गठन भएको छ ।
अधिवेशनका प्रमुख अतिथि राष्ट्रिय जनता पार्टीका केन्द्रीय सहमहासचिव काजीमान लोप्चनले पार्टी बलियो बनाउन सबै लाग्नुपर्ने बताए ।
उनले भारतले गरेको जमिन अतिक्रमण तत्काल फिर्ता गर्नुपर्ने बताए । कार्यक्रममा नेकपाका प्रतिनिधि रामचन्द्र अधिकारी, राष्ट्रिय जनता पार्टीका क्षेत्रीय अध्यक्ष हीरालाल थिङ, महिला संघ जिल्ला अध्यक्ष पूजा विकलगायतले मन्तव्य राखेका थिए ।
