ट्रकको ठक्करबाट छात्राको मृत्यु

हेटौँडा । हेटौँडास्थित सानो पोखराबाट चौघडातर्फ जाँदै गरेको ना४ख ३३८१ नम्बरको ट्रकले ठक्कर दिँदा बिहीबार बिहान मकवानपुर बहुमुखी क्याम्पस जाँदै गरेकी एक छात्राको घटनास्थलमै मृत्यु भएको छ ।
जिल्ला प्रहरी कार्यालय मकवानपुरका अनुसार मृत्यु हुने हेटौँडा नगरपालिका वडा नं. ८ बस्ने २० वर्षीया अजिता दङ्गाल हुन् । छात्राको मृत्युपछि क्षतिपूर्तिको माग गर्दै मकवानपुर क्याम्पसका विद्यार्थीले बिहीबार बिहान हेटौँडा–कान्ति राजपथ र फापरबारी सडकखण्डमा अवरोध पु¥याएका छन् । चौघडा प्रहरी चौकीले ट्रक र चालकलाई नियन्त्रणमा लिएको छ । रासस