प्राविधिक नहुँदा काममा समस्या

भरतपुर । पर्याप्त प्राविधिक नहुँदा कृषकका समस्या समयमै सम्वोधन हुन नसकेको जिल्ला कृषि विकास कार्यालय चितवनले जनाएको छ । क्षेत्रफल बढी हुनु र प्राविधिक कम हुँदा जनताले सोचेजस्तो सेवा सुविधा समयमै उपलव्ध गराउन नसकिएको कार्यालयका प्रमुख राजाराम अधिकारीले जानकारी दिनुभयो ।
रेडियो अर्पणले आयोजना गरेको अन्तत्र्रिmयामा अधिकारीले एक प्राविधिकले थेग्न नसक्ने गरी काम गर्नुपर्ने बाध्यता रहेको बताउनु भयो । अहिले १५ देखि २० प्रतिशत क्षेत्रमा मात्र प्राविधिक सेवा पुगेको उहाँले बताउनुभयो । कार्यक्रममा रेडियो अर्पणले तेस्रो वार्षिकोत्सवको पूर्वसन्ध्यामा आयोजित गाउँ गाउँमा अर्पण कार्यक्रममा संकलन गरिएको कृषकहरुको समस्याका विषयमा छलफल भएको थियो । कृषकका समस्या समाधान गर्न आफू कटिबद्ध भएर लाग्ने सो अवसरमा अधिकारीले बताउनुभयो ।