शान्ति सम्झौताविपरीत कामः चन्द

परासी । नेकपा–माओवादीका सचिव नेत्रविक्रम चन्दले दलहरुले बृहत् शाान्ति सम्झौता विपरीत काम गरेको आरोप लगाउनुभएको छ ।
क्रान्तिकारी पत्रकार महासङ्घ नवलपरासीको आयोजनामा बुधबार परासीमा भएको पत्रकार भेटघाट कार्यक्रममा सचिव चन्दले दलहरुले शाान्ति सम्झौताको मर्म विपरीत काम गरेकाले सङ्क्रमणकाल लम्बिदै गएको बताउनुभयो ।
प्रधानमन्त्री सुशील कोइरालाले माओवादीलाई पनि संविधान निर्माणमा सहभागी गराउने भनी दिएको अभिव्यक्ति सकारात्मक भएको बताउँदै उहाँले सहमति र सहकार्यका लागि प्रधानमन्त्रीले स्पष्ट खाका ल्याउनुपर्ने उल्लेख गर्नुभयो । आफूहरु सशस्त्र क्रान्तिको पक्षमा नरहेको बताउँदै उहाँले सर्वपक्षीय गोलमेच सम्मेलनबाट मुलुकको अस्थिर राजनीतिलाई निकास दिन सकिने तर्क गर्नुभयो । रासस