लायन्सको फेलोसिप सम्पन्न

नारायणगढ । लायन्स क्लब अफ नारायणगढ संगमचोकको आयोजनामा आइतबार क्लबका सदस्यबीच फेलोसिप कार्यक्रम पूर्वीचितवनको कंकालीमाई पर्यटन क्षेत्रमा सम्पन्न भएको छ ।
क्लबका अध्यक्ष विनोदप्रसाद तिमिल्सिनाको अध्यक्षता एवम् पूर्वगभर्नर प्रभातकुमार जोशीको प्रमुख आतिथ्यतामा कार्यक्रम सम्पन्न गरिएको थियो । कार्यक्रममा लायन्सका पूर्वगभर्नर जोशीले फेलोसिप कार्यक्रमले भाइचारा र सद्भाव बढाउन ठूलो भूमिका खेल्ने धारणा राख्नुभयो । त्यस्तै, डिस्ट्रिक्ट सल्लाहकार घनश्याम भट्टराईले आपसमा एकता कायम गर्दै सामाजिक सेवामा उदृत बन्नुपर्नेमा जोड दिनुभयो । कार्यक्रममा डिस्ट्रिक्ट सल्लाहकार रामप्रसाद भट्ट, एडिस्नल क्याविनेट सचिव सिदार्थलाल चुके, क्लबका पूर्वअध्यक्षहरु डाक्टर उन्नत श्रेष्ठ, सिदार्थलाल चुके, तेजनारायण खरेल,  नारायणगढ लायन्स क्लबका अध्यक्ष सुरेश श्रेष्ठ, सचिव प्रशान्त पिया लगायतले बोल्नुभएको थियो ।
कार्यक्रममा भएको जोडी नृत्य प्रतियोगितामा पूर्वअध्यक्ष राजेन्द्र कँडेलको जोडी उत्कृष्ट भएको थियो । कार्यक्रमको संयोजन पाण्डव ढकाल र डाक्टर उन्नत श्रेष्ठले गर्नुभएको थियो भने सञ्चालन राजेन्द्र गौतमले गर्नुभएको थियो  ।