प्रधानमन्त्रीसँग बास माग्दै सुकुमबासी

पटिहानी । पश्चिम चितवनको पटिहानीमा रहेका सुकुमबासीहरुले नयाँ प्रधानमन्त्री सुशील काइरालासँग बास मागेका छन् । ‘हाम्रो क्षेत्रबाट जितेका सुशीलदा प्रधानमन्त्री भएका छन्, त्यसैले हामी बास दिने आशामा बसेका छौँ’ एक सुकुमबासीले भने, सुशीलदा छिट्टै बास दिनू है ।’
उनीहरुले दल र नेताहरुले पटक–पटक समस्या समाधानको आश्वासन दिने तर कहिल्यै समाधान नगरिदिने भन्दै. तत्काल समस्याको समाधानका लागि प्रधानमन्त्रीसँग पहल गरिदिन ध्यानाकर्षण समेत गराएका छन् ।
आफ्नो क्षेत्रबाट चुनाव जितेर गएका नेपाली कांग्रेसका सभापति सुशील कोइराला प्रधानमन्त्री भएपछि उनीहरुले कांग्रेसका नेतासमक्ष बासको व्यवस्था गर्न पटकपटक माग गरेका छन् । नेपाल सुकुमबासी संघ पटिहानीको आयोजनामा भएको भेलामा बोल्ने अधिकांश वक्ताहरुले सुकमबासीको समस्या समाधान जसरी पनि गर्नुपर्ने बताए ।
संघका अध्यक्ष कमल गुरूङको अध्यक्षतामा भएको भेलालाई संवोधन गर्दे प्रमुख अतिथि एवं कांग्रेसका महासमिति सदस्य दिनेश कोइरालाले एक वर्षभित्र समस्या समाधान गर्ने गरी आफूले पहल सुरू गर्ने प्रतिबद्धता व्यक्त गर्नुभयो । उहा“ले पटिहानीको मात्र नभई पश्चिम चितवन क्षेत्रकैं सुकुमबासी समस्या समाधानका लागि नेपाली कांग्रेसले पहल गर्ने बताउनुभयो ।
छिट्टै प्रधानमन्त्री सुशील कोइरालालाई भेट्न सुकुमबासीहरु काठमाडौ. जाने तयारीमा रहेको भन्दै. उहाँले निर्वाचनको समयमा पार्टी सभापतिले दिएको आश्वासन पूरा गर्न कांग्रेस कटिबद्ध रहेको बताउनुभयो ।
भेलामा नेपाली कांग्रेस चितवनका प्रवक्ता साजकुमार महतो, पटिहानी कांग्रेसका सभापति कृष्णहरि शर्मा, क्षेत्रीय सहसचिव सूर्यप्रसाद अधिकारीलगायतले बोल्नुभएको थियो ।