भरतपुर । चितवन खबर राष्ट्रिय अर्धसाप्ताहिकले पुष्पाञ्जली अस्पताल प्रालिको प्राविधिक सहयोगमा आइतबार देवघाटस्थित रामजानकी बालिका आश्रममा आश्रित ११ जना बालिकाको स्वास्थ्य परीक्षण गरेको छ ।
बालिकाहरुलाई भरतपुर चौबीसकोठीस्थित पुष्पाञ्जली अस्पताल परिसरमा ल्याई स्वास्थ्य परीक्षण गरिएको थियो । बालिकाहरुको वरिष्ठ बालरोग विशेषज्ञ डाक्टर खेमराज पौडेलले स्वास्थ्य परीक्षण गर्नुभएको थियो ।
बालिकाहरुको सम्पूर्ण स्वास्थ्य परीक्षण, औषधि तथा सम्पूर्ण किसिमको जाँचहरुको निःशुल्क परीक्षण गरिएको थियो । स्वास्थ्य परीक्षण कार्यक्रमको चितवन खबर राष्ट्रिय अर्धसाप्ताहिकका प्रकाशक तथा प्रधान सम्पादक हरि कार्की लक्कीले सहजीकरण गर्नुभएको थियो । त्यस्तै प्रभु हाउजिङ एण्ड प्रोपर्टी डिलर प्रालीका अध्यक्ष केशव कार्कीलाई सम्मान समेत गरिएको थियो ।
Discussion about this post