नवलपरासी । मह उत्पादन, प्रशोधन तथा बजारीकरणका लागि क्षमता विकास कार्यक्रम अन्तर्गत सार्वजनिक सुनुवाई कार्यक्रम शनिबार नवलपरासीको गैंडाकोटमा सम्पन्न भएको छ ।
अनुदान ग्राही संस्था सागर मौरीपालन उद्योगले विजय विकास स्रोतकेन्दको सभाहलमा सार्वजनिक सुनुवाई भएको हो । कार्यक्रममा उपआयोजना अन्तर्गतका गतिविधिहरुको जानकारी, नवलपरासीका मौरीपालक कृषकहरुलाई ५० वटा मौरीघार निःशुल्क वितरण गरिएको मौरीपालन महासंघका अध्यक्ष एवम् उपआयोजना व्यवस्थापक राजेन्द्र गौतमले जानकारी दिनुभयो ।
नेपाल सरकार कृषि विकास मन्त्रालय व्यवसायिक कृषि तथा व्यापार आयोजना (प्याक्ट) अन्तर्गत सो कार्यक्रम भएको हो । दयासागर सुवेदीको अध्यक्षतमा सम्पन्न कार्यक्रममा जिल्ला कृषि विकास कार्यालय नवलपरासीका राजेन्द्र गौडेल, नेपाल मौरीपालक महासंघका केन्द्रीय सदस्य रामप्रसाद पौडेल, नेपाल मौरीपालक महासंघ जिल्ला शाखा नवलपरासीका निवर्तमान अध्यक्ष नन्दलाल कँडेललगायतको सहभागिता रहेको थियो ।
Discussion about this post