बालिकाको दाँत परीक्षण

भरतपुर । चितवन खबर राष्ट्रिय अर्ध साप्ताहिक पत्रिकाले बुधबार देवघाटस्थित श्री रामजानकी बालिका आश्रममा रहेका बालिकाहरुको दाँतको परीक्षण गरेको छ ।

आश्रममा आश्रित ११ जना बालिकासहित स्थानीय वृद्धवृद्धाहरुको निःशुल्क दाँतको परीक्षण गरेकोे पत्रिकाका प्रकाशक÷प्रधान सम्पादक हरि कार्की ‘लक्की’ले जानकारी दिनुभयो । दाँतको परीक्षणका क्रममा बालिकाहरुलाई निःशुल्क औषधि, टुथ पेष्ट, तथा अन्य उपचार सामग्री वितरण गरिएको थियो ।
कार्यक्रममा जागृतिचोक टोल विकास सस्था भरतपुर ११÷१२ का अध्यक्ष खड्कबहादुर केसी प्रमुख अतिथि रहनुभएको थियो । कार्यक्रममा उहाँले चितवन खबरले निरन्तरता दिदैं आएका सामाजिक सेवाका कार्यबाट सबैले शिक्षा लिनुपर्ने बताउनुभयो ।
कार्यक्रममा श्री रामजानकी मन्दिर देवघाटका अध्यक्ष सावित्री टण्डनले सेवा भावका साथ पत्रिकाले थालेको अभियानले बालिकाको संरक्षण तथा उनीहरुको भविष्यको सवालमा गम्भिर बन्न हौसला प्रदान गरेको बताउनुभयो ।