एसिसी महिला क्रिकेटः नेपाल पराजित

काठमाडौँ । थाइल्याण्डमा जारी एसिसी महिला प्रिमियर क्रिकेट प्रतियोगितामा नेपाल आज चीनसँग ६९ रनले पराजित भएको छ ।

थाइल्याण्डको चियाङ्माइस्थित जिमखाना खेल मैदानमा भएको सो प्रतियोगितामा टस जितेर पहिले व्यटिङ गरेको चीनले निर्धारित ४० ओभरमा ८ विकेट गुमाउँदै १५९ रन बनाएको थियो ।
जवाफमा नेपाल ९० रनमा नै समेटियो । नेपाल ३६ ओभर एक बलमा ९० रन बनाउँदै अलआउट भयो । नेपालकी निरा राजोपध्यायले सर्वाधिक १६ रन जोडिन् भने करुणा भण्डारीले १५ र ममता चौधरीले ११ रन बनाइन् ।
यस्तै ममता थापा र सरिता चौधरीले समान ७÷७ रन बनाइन् भने कप्तान रुविना क्षेत्री ७ तथा सीता मगरले  ३ रनको योगदान दिएकी थिइन् । बलिङतर्फ नेपालकी सरस्वती चौधरी र करुणा भण्डारीले समान दुई÷दुई विकेट लिएका थिए भने रुबीना क्षेत्री, सीता मगर र सोनु खड्काले एक÷एक विकेट लिएका थिए ।
यस्तै नेपालको ब्याटिङतर्फ चीनकी हान लीली तथा यु मियाओलीले तीन÷तीन विकेट लिएका थिए । यस हारसँगै नेपालको फाइनल चरण प्रवेशको ढोका भने बन्द भएको छ । चार खेल खेलेको नेपालले दुई खेलमा जित तथा दुई खेलमा हार भोगेको छ । भोलि नेपालले हङकङको सामना गर्दैछ । रासस