भरतपुर । साक्षर चितवन अभियानअन्तर्गत शिक्षकका परिवार र अभिभावकहरुलाई साक्षर बनाउने विषयमा शनिबार भरतपुरमा अन्तत्र्रिmया गरिएको छ ।
नेपाल राष्ट्रिय शिक्षक संगठनले आयोजना गरेको कार्यक्रममा शिक्षकका परिवार तथा अभिभावकलाई साक्षर अभियानमा सहभागी भई सफल बनाउने काममा सक्रिय भएर लाग्न आह्वान गरिएको संगठनका जिल्ला कोषाध्यक्ष पुष्पराज मरहठ्ठाले जानकारी दिनुभयो ।
नेपाल राष्ट्रिय शिक्षक संगठनका केन्द्रीय सदस्य सूर्यराज बराल प्रमुख अतिथि रहनुभएको कार्यक्रममा जिल्ला शिक्षा अधिकारी रमाकान्त शर्मा, पूर्व महासचिव रमाकान्त सापकोटा, नेपाल शिक्षक युनियन चितवनका हरिप्रसाद आचार्यलगायतले बोल्नुभएको थियो ।
नेपाल राष्ट्रिय शिक्षक संगठनका जिल्ला अध्यक्ष पूर्णप्रसाद पुरीको अध्यक्षतामा भएको कार्यक्रममा उपाध्यक्ष दानबहादुर गुरूङले कार्यक्रमको उद्देश्यका बारेमा जानकारी गराउनुभएको थियो ।
Discussion about this post