कालिगण्डकी यात्रा आजबाट

‘पुरातात्विक स्थल र धार्मिक पर्यटकको खोजी’  [divider]
नारायणगढ । नेपालका पुरातात्विक स्थल संरक्षण र धार्मिक पर्यटकको सम्भावनालाई खोजी गर्न कालिगण्डकी यात्रा आज बिहीबारदेखि सुरू हुँदै छ । तनहुँको देवघाटधामबाट सुरू हुने यात्रा ४५ दिनमा कालीगण्डकीको उद्गमस्थल दामोदर कुण्डमा पुगेर सकिने बुधबार भरतपुरमा आयोजित पत्रकार सम्मेलनमा जानकारी दिइयो ।
आयोजक ‘कालीगण्डकी यात्रा’ नामक संस्थाले धार्मिक प्रर्यटनसँगै सो क्षेत्रको गरिबी निवारणमा टेवा पु¥याउने उद्देश्यले यात्रा गर्न लागेको जनाएको छ । यात्रा विभिन्न तीन चरणमा पूरा गरिने संस्थाका संस्थापक नवीन पाण्डे क्षेत्रीले जानकारी दिए ।
यात्राको प्रथम चरणअन्तर्गत बिहीबार विहान देवघाटदेखि सेतीवेणी धामसम्मको हुनेछ । त्यस्तै, दोस्रो चरणअन्तर्गत सेतीवेणी धामदेखि म्याग्दीको धाँसा र तेस्रो चरणको कार्यक्रमअन्तर्गत घाँसादेखि कालीगण्डकीको उद्गमस्थल दामोदरकुण्डसम्म रहनेछ । प्रत्येक चरण १५÷१५ दिनको हुनेछ । यात्रीहरु पैदल नै उक्त दुरी पार गर्ने संस्थापक पाण्डेले जानकारी दिए ।
यात्रामा १५ यात्री सहभागी हुने बताइएको छ । यात्राका क्रममा यात्रीहरुले नवलपरासी, तनहुँ, कास्की, स्याङजा, पर्वत, म्यादी, बाग्लुङ मुस्ताङ लगायतका स्थानमा पुग्ने छन् । कालीगण्डकी आफँैमा मन्दिर भएको र यसको संरक्षण गरी पर्यापर्यटन तथा धार्मिक पर्यटनको विकास गर्नुपर्ने आवश्यक भएको भन्दै यात्रा थालनी गरिएको संस्थापक पाण्डेले बताए ।
यात्रामा सहभागी बन्दोबस्त पोखराका कुलराज चालिसेले वेद र पुराण नै कालिगण्डकी भएको भन्दै कृष्णा (कृष्ण गण्डकी) सबैभन्दा ठूलो बेद र पुराण भएकोले कृष्णाको अध्ययनबाट सबै ज्ञान प्राप्त हुने बताए । अहिले लेखिएका वेदभन्दा कृष्णामा पढिने बेदमा धेरै फरक भएको भन्दै कृष्णाका शालीग्राममा लेखिएका वेद सही भएको उनले दावी गरे ।
कालिगण्डकीमा संसारमा नपाइने शालीग्राम पाइने भन्दै त्यसको संरक्षण गर्नुपर्ने चालिसेले जोड दिए । कालीगण्डकी प्रदूषित बन्दै गएको र अतिक्रमण बढ्दै गएको भन्दै उनले त्यसविरूद्ध स्थानीयले आवाज उठाउनुपर्ने बताए ।
यात्रालाई समेटेर पुस्तक तथा वृत्तचित्र निमार्ण गरी कालीगण्डकीको संरक्षण सम्वद्र्धन गर्ने आयोजकले जनाएको छ ।