नवलपरासीलाई पहिलो खोपयुक्त जिल्ला बनाइने

गैंडाकोट पूर्ण खोपयुक्त गाविस  [divider]
-विधुर ढकाल
गैँडाकोट । नवलपरासी जिल्लालाई पहिलो पूर्ण खोपयुक्त जिल्लाको रुपमा विकास गर्ने उद्देश्य जिल्लाका सरोकारवाला निकायहरु लागि परेका छन् । हरेक बालबालिकालाई खोप प्रदान गरी सबैको पहँुचमा खोप पु¥याएर घोषणा गरिने पूर्ण खोपयुक्त जिल्लाका लागि ५५ वटा गाविसहरुलाई पूर्ण खोपयुक्त गाविसको रूपमा घोषणा गरिसकिएको छ ।
नेपालभर १६ जिल्लाका १४५ गाविसलाई पूर्ण खोपयुक्त गाविसको रुपमा घोषणा गरिएकोमा नवलपरासीका मात्र ५५ गाविसलाई पूर्ण खोपयुक्त गाविसको रुपमा घोषणा गरिएको छ । जिल्लामा ७२ वटा गाविस र एक नगरपालिका रहेका छन् ।
यही क्रममा शनिबार मात्रै जिल्लाको गैंडाकोट आदर्श गाविसलाई पूर्ण खोपयुक्त गाविसको रुपमा घोषणा गरिएको छ । गाविसमा आयोजित घोषणा सभामा बोल्दै नवलपरासीका स्थानीय विकास अधिकारी रामुराज कडेरियाले जिल्लालाई यही चैतभित्र पूर्ण खोपयुक्त जिल्लाको रुपमा घोषणा गर्ने तयारी भइरहेको बताए ।
गंैडाकोट गाविसलाई पूर्ण खोपयुक्त गाविसको रुपमा घोषणा गर्नको लागि गैँडाकोट उपस्वास्थ्य चौकी गैँडाकोटबाट आर्थिक वर्ष २०६८÷०६९ मा बीसीजी खोप ५८१ जनाले लिएका थिए । त्यस्तै, १६ जनाले भरतपुर अस्पतालबाट यो सेवा लिएका थिए ।
त्यस्तै, डीपीटी हेपवी हिप–१ सोही गाविसका ६१० र बाहिरबाट आएका १६, डीपीटी हेपवी हिप–२ सोही गाविसका ५९८ र बाहिरबाट आएका ४, डीपीटी हेपवी हिप–३ सोही गाविसका ६०३ बाहिरबाट आएका ९ जनाले लिएका थिए । त्यस्तै, दादुराको खोप सोही गाविसका ६६२ र बाहिरबाट आएका २८ जनाले लगाएको उप–स्वास्थ्य चौकीका प्रमुख नारायण सापकोटाले जानकारी दिए । त्यस्तै ५८० जना गर्भवती महिलाले टीटी खोप लिएको उनले बताए ।
करिब ४५ हजार जनसंख्या भएको गैँडाकोटका एक वर्षमुनिका बालबालिका ५९४, दुई वर्षमुनिका एक हजार २५५ गर्भवती महिला ६९० र १५ देखि ४५ वर्ष उमेर समूहका महिला आठ हजार ५८७ रहेका छन् । उनीहरु सबैले खोप लगाएको बताइएको छ ।
यसैबीच कार्यक्रममा बोल्ने अधिकांश वक्ताहरुले सुगम गाविस भइकन पनि स्वास्थ्य क्षेत्रमा सरकारबाट गैँडाकोट उपस्थित भएको गुनासो गरेका छन् । उनीहरुले जनघनत्वको अवस्थालाई हेर्दा गैँडाकोटमा स्वास्थ्य चौकी वा प्राथमिक उपचार केन्द्र हुनुपर्नेमा उपस्वास्थ्यचौकीको भरमा यहाँका बासिन्दा रहेको बताए ।
कार्यक्रमका अध्यक्षसमेत रहेको गैँडाकोट गाविस सचिव गोविन्द सिग्देलले गाविसमा १५ वेड क्षमताको अस्पताल स्थापनाको लागि गाविसले जग्गा दिने बताउँदै जिविस तथा जनस्वास्थ्य कार्यालयलाई सहयोग गर्न आग्रह गरे ।
कार्यक्रममा बोल्दै स्थानीय विकास अधिकारी कडरियाले गैँडाकोट उपस्वास्थ्य चौकीको भवन बनाउन र त्यसलाई १५ शैया क्षमताको अस्पतालको रुपमा विकास गर्न आफूले सक्दो पहल गर्ने बताए ।
त्यस्तै, जिल्ला जनस्वास्थ्य कार्यालयका प्रमुख मुकुन्दराज गौतमले गैंडाकोट उपस्वास्थ्य चौकीलाई स्वास्थ्यचौकीमा स्तरोन्नतिको लागि नीतिगत अवरोध नभएको बताउँदै प्रक्रियालाई अगाडि बढाउने प्रतिबद्धता व्यक्त गरे ।
कार्यक्रममा पूर्ण खोपयुक्त गाविस घोषणा कार्यक्रममा सहयोग पु¥याउने १२ जना स्वयम्सेविकालाई प्रोत्साहनस्वरुप एक–एक वटा साइकल र प्रशंसापत्र प्रदान गरिएको थियो ।
घोषणा सभाअघि गैँडाकोटको थुम्सी र भृकुटीचोकबाट विभिन्न संघ सँस्था, विद्यार्थीलगायतको सक्रियतामा बाजागाजा र झाँकीसहित निस्किएका छुट्टाछुट्टै ¥याली सभास्थल पुगेका थिए ।

विषयमा ज्ञान नभएका वक्ता !

गैँडाकोट । गैँडाकोट आदर्श गाविसलाई पूर्ण खोपयुक्त गाविस घोषणा कार्यक्रममा त्यहाँका राजनीतिक दलका प्रतिनिधिहरुले प्रतिबद्धता पत्रमा हस्ताक्षर गरे । उनीहरुले हस्ताक्षर गरेको प्रतिबद्धता पत्रमा यस्तो लेखिएको थियो, ‘पूर्ण खोपयुक्त गाविस घोषणा’ तर अचम्म के भने तीन राजनीतिक दलका प्रतिनिधिहरु अधिकाशंले यसैलाई उल्टो अर्थ आउने गरी मञ्चबाट भाषण गरे ।
आफँैले आफँैलाईसमेत बधाई दिन भ्याएका उनीहरुले ‘पूर्ण खोपमुक्त गाविस’ भन्दै ठीक विपरीत अर्थ निक्लने भाषण गरेका थिए । सानादेखि ठूलासम्म राजनीतिक दलका करिब १० प्रतिनिधिहरु मञ्चमा उक्लिए, तर कसैले शुद्धरुपमा यसलाई बोल्न सकेनन् । यसरी कार्यक्रम आयोजकले मञ्चमा बोल्नको लागि वक्ता चयन गर्दा त्यसलाई सार्थक दिने खालका वक्ता चयन नगरी राजनीतिक भाग पु¥याउँदा कार्यक्रमलाई नै खल्लो बनायो ।
[divider]प्रतिवद्धतापत्रमा हस्ताक्षर गर्दै स्थानीय प्रतिनिधि । फोटोः प्रमिला अधिकारी ।