डान्सिङको अडिसन सकियो

भरतपुर । चितवन उद्योग संघको आयोजनामा हुन लागेको राष्ट्रिय औद्योगिक प्रदर्शनी–२०७० अन्तर्गतको डान्सिङ स्टारको अडिसन राउण्ड शनिबार सम्पन्न भएको छ ।
पूर्वीचितवनको रत्ननगरस्थित होटल स्टार बेन्क्वेट र नारायणगढस्थित होटल रेड कार्पेटमा पहिलो राउण्ड भएको हो । रत्ननगरमा १३ जना विद्यार्थीले अडिसन राउण्डमा सहभागिता जनाए । कार्यक्रम चितवन उद्योग संघका वरिष्ठ उपाध्यक्ष विष्णुहरि अधिकारीको प्रमुख आतिथ्यता एवं कला संस्कृति व्यवस्थापन समितिका संयोजक युवराज श्रेष्ठको अध्यक्षतामा भएको थियो । कार्यक्रममा नेपाल अण्डा उत्पादक केन्द्रीय अध्यक्ष शिवराम केसीलगायतको विशेष उपस्थिति थियो ।
त्यस्तै नारायणगढस्थित रेड कार्पेट होटलमा २१  जना विद्यार्थीले अडिसनमा सहभागिता जनाए । प्रदर्शनी प्रचार–प्रसार समितिका संयोजक राजु पौडेलको प्रमुख आतिथ्यता एवं संस्कृति व्यवस्थापन समितिका संयोजक युवराज श्रेष्ठको अध्यक्षतामा भएको थियो । कार्यक्रममा लोकदोहोरी गायक गोविन्द अधिकारी, कलासंस्कृति व्यवस्थापन समितिका सदस्य टीकाराम लामिछाने, समाजसेवी राकेशमान श्रेष्ठलगायतको उपस्थिति थियो ।
अडिसन राउण्डमा निर्णायक संयोजकमा युवराज पौडेल, निर्णायकहरुमा राम रिमाल र रमेश राना रहनुभएको थियो । अडिसनबाट छानिएका उत्कृष्टलाई मात्र प्रदर्शनीमा हुने डान्सिङ स्टारमा सहभागी गराइने छ । यसको भोली मात्र टुङगो लाग्ने संयोजक श्रेष्ठले जानकारी दिनुभयो ।