चितवनमा मिस नर्स हुने

नारायणगढ । सुन्दरी प्रतियोगिताको भिडमा चितवनमा अर्को सुन्दरी प्रतियोगिता आयोजना गरिने भएको छ । स्वास्थ्य क्षेत्रमा कार्यरत नर्स तथा नर्सिङ अध्ययनरतहरुलाई लक्षित गरी चितवनमा मिस नर्स चितवनको आयोजनामा गर्न लागिएको मंगलबार नारायणगढमा आयोजित पत्रकार सम्मेलनमा जानकारी दिइयो ।
स्ट्रिङ मिडियाको आयोजनामा हुन लागेको प्रतियोगिताको विजयीलाई नगद ५५ हजार रुपैयाँ एउटा सेलुलाइड फिल्म तथा ६ वटा म्यूजिक भिडियोमा अभिनयको अवसर दिइने संस्थाका निर्देशक सिरस पुडासैनीले जानकारी दिए । त्यस्तै फस्ट रनरअपलाई २५ हजार नगद र चार वटा म्यूजिक भिडियोमा अभिनयको अवसर र सेकेण्ड रनर अपलाई १५ हजार नगद र दुई वटा म्यूजिक भिडियोमा अभिनयको अवसर पाउने उनले बताए ।
प्रतियोगितामा सहभागी उत्कृष्ट १० प्रतियोगीलाई एक–एक वटा म्यूजिक भिडियोमा अभिनयको अवसर दिइने बताइएको छ । करिब ५०० जना नर्सहरुले प्रतियोगितामा सहभागी हुने लक्ष्य लिइएको छ । कुल प्रतियोगीबाट ४० जनालाई ग्रुमिङ राउण्डमा छनोट गरी तालिम क्षमता अभिवृतिलगायतका तालिम दिइने आयोजकले जनाएको छ ।