खैरहनी । खैरहनी गाविसलाई साक्षर बनाउन बुधबार साक्षर अभियान सञ्चालन तथा अनुगमन समिति बनाइएको छ ।
खैरहनीमा भएको सरोकारवालाहरुको भेला तथा अन्तत्र्रिmया कार्यक्रमले गाविसभित्रका ५१ वटा संघसंस्थाको सहभागितामा गाविस सचिव गुरूप्रसाद पौडेलको अध्यक्षतामा समिति बनाइएको हो ।
समितिमा राजनीतिक दलका प्रतिनिधि, उच्च मावि, विद्यालय तथा विभिन्न सामाजिक संघसंस्थाको प्रतिनिधिहरुको सहभागिता रहेको गाविस सचिव पौडेलले जानकारी दिनुभयो । उहाँले गाविसभित्रमा रहेका २३ सय ४१ जना निरक्षरलाई साक्षर बनाएर गाविसलाई साक्षर घोषणा गरिने बताउनुभयो । त्यसका लागि ९१ वटा साक्षरता कक्षा सञ्चालन गरिने उहाँले जानकारी दिनुभयो ।
जिल्ला शिक्षा अधिकारी रमाकान्त शर्मा प्रमुख अतिथि रहनु भएको कार्यक्रममा सामुदायिक अध्ययन केन्द्रका संयोजक गोपाल परियार, अन्त्योदय जनजाति विद्यालयका प्राचार्य घनश्याम प्रधान, खैरहनी स्रोत केन्द्रका स्रोत व्यक्ति सोमनाथ तिवारी, खैरहनी उच्च माविका प्राचार्य भरत पोखरेललगायतले बोल्नुभएको थियो ।
Discussion about this post