नारायणगढ । नेपाल प्रेस युनियन नवलपरासी शाखाले स्थापना गरेको सूर्यभक्त पतनादेवी स्मृति राष्ट्रिय पत्रकारिता पुरस्कारबाट सिनर्जी एफएमका नवलपरासी संवाददाता टीकाराम गैरे र श्रीराम सिग्देल सम्मानित हुने भएका छन् । लामो समयदेखि गैरे र सिग्देल नवलपरासीमा पत्रकारिता गर्दै आएका छन् ।
नेपाल प्रेस युनियनका अध्यक्ष नारायण शर्माको अध्यक्षतामा सम्पन्न कार्य समितिको बैठकले २०७० सालको सूर्यभक्त पतनादेवी स्मृति राष्ट्रिय पत्रकारिता पुरस्कारबाट उहाँहरुलाई सम्मान गर्ने निर्णय गरिएको हो ।
सम्मानित हुने पत्रकार गैरे नेपाल पत्रकार महासंघका पूर्वसभापति हुनुहुन्छ भने यसैगरी सिग्देल पत्रकार महासंघका पार्सद हुनुहुन्छ । सो पुरस्कार आउँदो माघ २५ गते हुने नेपाल प्रेस युनियन नवलपरासी शाखाको ९ औं जिल्ला अधिवेशनको अवसरमा प्रदान गरिने युनियनका अध्यक्ष शर्माले जानकारी दिनुभयो ।
Discussion about this post