परासी । नवलपरासीको कावासोती–६ मा भएको आगलागीमा परी एक जनाको मृत्यु भएको छ ।
बिहीबार राति आफ्नै परालको टौवा र गोठमा लागेको आगोमा परी ५५ वर्षीय लोकबहादुर केसीको जलेर मृत्यु भएको इलाका प्रहरी कार्यालय नवलपुरले जनाएको छ ।
एक्कासी टौवामा लागेको आगो गोठमा सल्कँदा गोठमै सुतिरहेका केसीको जलेर मृत्यु भएको हुनसक्ने प्रहरीको भनाइ छ ।
आगो निभाउने क्रममा केसी मृत अवस्थामा भेटिएको थियो । आगो कसरी लाग्यो भन्नेबारमो अनुसन्धान भइरहेको प्रहरीले जनाएको छ । रासस
Discussion about this post