कार्बन घटाउनेबारे छलफल

भरतपुर । विज्ञान, प्रविधि तथा वातावरण मन्त्रालयअन्तर्गतको वैकल्पिक उर्जा प्रवद्र्धन केन्द्रले मंगलबार भरतपुरमा आयोजना गरेको कार्यक्रममा न्यून कार्बन आर्थिक विकास रणनीतिबारे छलफल गरिएको छ ।
कार्यक्रममा केन्द्रका जलवायु परिवर्तन तथा कार्बन इकाइका प्रेमकुमार पोखरल, केन्द्रका सहायक निर्देशक राजु लौडारी, त्रिवि इञ्जिनियरिङ संस्थानका प्राध्यापक डा. बालकृष्ण सापकोटा र एडप्ट नेपालका आदर्श पोखरेलले जलवायु परिवर्तन र यसका असरबारे बोलेका थिए । उक्त कार्यक्रममा चितवन, नवलपरासी, मकवानपुरलगायत सात जिल्लाका ५० जना सरोकारवाला सहभागी थिए ।