निःशुल्क स्वास्थ्य शिविर

भरतपुर । नेपाल निजामती कर्मचारी संगठन चितवनले माघेसङ्क्रान्तिका अवसरमा देवघाटधाममा श्रद्धालु भक्तजनहरुको लागि दुई दिने स्वास्थ्य शिविर गरेको छ । संगठनका जिल्ला अध्यक्ष मंगलराम दराईको अध्यक्षता एवम् संगठनका केन्द्रीय अध्यक्ष पुण्यप्रसाद ढकालको प्रमुख आतिथ्य रहेको कार्यक्रममा उपाध्यक्ष शान्तिकुमारी शर्माले स्वागत मन्तव्य राख्नुभएको थियो । शिविरमा १०१ जना भक्तजनहरुले स्वास्थ्य सेवा लिएका थिए । शिविरका लागि औषधि तथा भौतिक सामग्रीहरु भरतपुर अस्पताल र जिल्ला जनस्वास्थ्य कार्यालयले उपलब्ध गराएको थियो । संगठनका उपाध्यक्ष फणिन्द्रप्रसाद खनालको संयोजकत्वमा सम्पन्न शिविरमा डा. पारस शर्माको नेतृत्वमा १० जना स्वास्थ्य प्राविधिक खटिएका थिए ।