उवासंघको टोलीद्वारा महोत्सव अवलोकन

भरतपुर । उद्योग वाणिज्य संघ—चितवनको नवनिर्वाचित कार्यसमितिका पदाधिकारीहरुले रत्ननगरको टिकौली चौरमा सञ्चालन भईरहेको रत्ननगर महोत्सव—२०७० को शुक्रबार अवलोकन गरेको छ ।
उवासंघ—चितवन सो महोत्सवको प्रवद्र्धक संस्थाका रुपमा समेत रहेको छ । संघका अध्यक्ष कल्याण जोशीको नेतृत्वमा गएको टोलीलाई रत्ननगर उद्योग वाणिज्य संघका पूर्व अध्यक्ष गोपाल कर्माचार्यले स्वागत तथा सम्मान गरेका थिए । सो अवसरमा मन्तव्य व्यक्त गर्दै उवासंघ—चितवनका अध्यक्ष कल्याण जोशीले चितवनको विकासमा रत्ननगर महोत्सवको समेत उल्लेखनीय योगदान रहने गरेको चर्चा गरे । उनले जिल्लाको समग्र विकासका लागि सबै सरकारी तथा गैरसरकारी कार्यालय तथा संघसंस्थाहरुले साझेदारी गर्दै अगाडि बढ्नु पर्ने आवश्यकतामा जोड दिदैं यस्ता महोत्सवहरुले निजी तथा सरकारी निकायका बीचमा साझेदारी गर्ने वातावरणको निर्माणमा सहयोग पुग्ने बताए ।
सो अवसरमा रत्ननगर उवासंघ—चितवनका पूर्व अध्यक्ष गोपाल कर्माचार्यले उवासंघ—चितवनको नवनिर्वाचित कार्यसमितिलाई रत्ननगर महोत्सवको परिसरमा नै स्वागत गर्न पाउ“दा खुशी व्यक्त गर्दै उवासंघ—चितवन देशकै उद्योग वाणिज्य संघहरुका लागि प्रेरणादायी अगुवा संस्थाका रुपमा रहेको बताए । उनले रत्ननगर महोत्सवको समग्र पक्षको अवलोकन गरेर यसलाई आगामी वर्ष कसरी सुधार्दै लानुपर्छ भन्ने विषयमा सुझाव दिन आग्रह गर्दै आउने दिनमा दुई उवासंघहरु एक—अर्कामा हातेमालो गर्दै अगाडि बढ्ने बताए ।