नेकपा माओवादीले आन्दोलन गर्ने

• नगरपालिकाको गाडी तोडफोड [divider]

रत्ननगर । रत्ननगर नगरपालिकाको गाडी तोडफोड गरेको आरोपमा पक्राउ परेका कार्यकर्ता नेकपा–माओवादी चितवनले आन्दोलनका कार्यक्रम सार्वजनिक गरेको छ ।
रत्ननगरमा बिहीबार पत्रकार सम्मेलनको आयोजना गरी नेकपा–माओवादीले पक्राउ परेका पार्टीका जिल्ला सदस्य गञ्जसिंह गुरूङलाई तत्काल रिहा नगरे २७ गते चितवन बन्द गर्ने घोषणा गरेको छ । पुस १९ गते रत्ननगर नगरपालिकाको गाडी तोडफोड गरेको भन्दै प्रहरीले गुरूङलाई २४ गते बुधबार पक्राउ गरेको थियो ।
नेकपा–माओवादीका जिल्ला इन्चार्ज गुणराज लोहनीले बन्द शान्तिपूर्ण हुने र आफ्नो कार्यकर्तालाई रिहा नगरे आन्दोलनलाई सशक्त बनाइने बताउनुभयो । रत्ननगर नगरपालिकामा व्यापक आर्थिक अनियमितता भएको बताउँदै उहाँले नगरपालिकाको अनियमितता र भष्टाचार रोक्न अभियान सुरू गर्ने बताउनुभयो ।