यातायात छाहारीको सेवा विस्तार

गैंडाकोट । चितवन यातायात व्यवसायी संघ ‘छाहारी’ले आफ्नो सेवा अब चितवन बाहिर पनि लैजाने भएको छ । जिल्ला भित्रमात्रै यातायात सेवा दिइरहेको संघले अब जिल्ला बाहिर पनि सेवा दिन लागेको हो । संघको बुधबार सम्पन्न ३० आंै वार्षिक साधरण सभामा सचिव नेत्रप्रसाद ढुगानाबाट प्रस्तुत प्रतिवेदन पास भएपछि संघमा आबद्ध सवारी साधनलाई बाहिरी जिल्लाको रूट खुला भएको हो ।
‘हामी अब चितवनभन्दा बाहिरका रूटमा पनि यातायात सेवा दिने निर्णयमा पुगेका छाँै’, साधरण सभाको निर्णयका बारेमा जानकारी दिँदै संघका अध्यक्ष बद्रिप्रसाद पौडेलले भने, ‘ अब हामी काठमाडाँै, बाग्लुङ र वीरगञ्जका रूटमा पनि सवारीसाधन चलाउँछांै ।’  संघले अहिलेसम्म चितवनका ग्रामीण क्षेत्रहरुका रूटमा मात्रै आफ्ना सवारी साधन सञ्चालन गर्दथ्यो । अध्यक्ष पौडेलले नयाँ रूटमा सवारी साधन सञ्चालन गर्नुपूर्व सो क्षेत्रमा सवारी साधन सञ्चालन गरिरहेका यातायात व्यवसायी संस्थाहरुसँग पहिला समन्वय र सहमति गर्ने पनि उनले बताए ।
यातायात व्यवसायीहरुको संस्थामध्येकै जिल्लामा पुरानो संस्थाले जिल्ला बाहिरको रूटमा पनि सवारी सधान राख्ने निर्णय गरेसगंै यसको प्रभाव पर्ने देखिन्छ । नारायणी यातायात व्यवसायी संघका उपाध्यक्ष अशोक पोख्रेलले यातायात व्यवसायीहरुको एकताले रूट विस्तारमा सहयोग पुग्ने बताए ।
‘कुनै पनि यातायात संघ सम्बन्धित संस्थाहरुले आफ्नो रूट विस्तार गर्छन् भने त्यो राम्रो हो’, उपाध्यक्ष पोख्रेलले भने, ‘रूट विस्तार गर्दैगर्दा पनि यातायात व्यवसायीहरुको एकतामा पनि ध्यान दिनुपर्छ ।’ यातायात व्यवसायीहरुको एकतामा नै बल भएको बताउँदै उनले चितवनबाट चल्ने सवारी साधनहरु देशका कुनाकुनाका रूटमा पुग्नुपर्ने आवश्यकता पनि औंल्याए ।
संघको साधरण सभाको उद्घाटनसत्र नेपाल यातायात व्यवसायी महासंघका उपाध्यक्ष रामप्रसाद सुवेदीको प्रमुख आतिथ्यमा सम्पन्न भएको थियो । संघका अध्यक्ष पौडेलको अध्यक्षतामा सम्पन्न कार्यक्रममा यातायात व्यवसायीहरु कपिल पाण्डे, दामोदर शाही, कृष्णलाल दाहाल, खड्गबहादुर गुरूङ, मित्रबहादुर केसी, गोकर्ण पराजुली, प्रदीपराज हमाल, चनबहादुर बोहोरालगायतले मन्तव्य व्यक्त गरेका थिए । साधरणसभाले कोषाध्यक्ष विष्णुप्रसाद पौडेलको आर्थिक प्रतिवेदन पनि पारित गरेको छ ।