लागु औषध कारोवारमा संलग्न प्रहरी थहित आठ पक्राउ

भरतपुर । जिल्ला प्रहरी कार्यालय चितवनले असोजदेखि हालसम्म लागूऔषध कारोबारमा संलग्न २२ जना र यसका प्रयोगकर्ता १५० बढीलाई पक्राउ गरेको जनाएको छ । कारोवारमा सेना र प्रहरीको पनि संलग्नता पाइएको छ । जिल्ला प्रहरी प्रमुख एसपी प्रद्युम्न कार्कीले असोजदेखि हालसम्म २२ जनाविरूद्ध लागूऔषध कारोबारसम्बन्धी मुद्दा चलाइएको बताए । मुद्दा चलाइएकामा ३ सेना र हालै मात्र पक्राउ गरिएका एक प्रहरी जवान छन् ।
प्रहरीले दिएको जानकारीअनुसार असोजदेखि हालसम्म ३२५ एम्पुल डाइजेपाम, ३२७ एम्पुल ब्रुफिनफिन, ३२८ एम्पुल फेनारगन, ५ हजार ५० मिलिलिटर फेन्सिडोल, १०८ ट्याब्लेट नाइट्रोजेपाम र ७ ग्राम खैरो हिरोइन बरामद गरिएको छ ।
त्यस्तै, प्रहरीले लागूऔषध सेवनमा संलग्न १५० युवालाई पुनसर््थापना केन्द्रमा पठाइएको जनाएको छ । ‘ठूलो परिमाणमा लागूऔषधसहित कारोबारीहरु चितवनमा पक्राउ पर्नुले चितवन लागूऔषध कारोबारका लागि मुख्य केन्द्रको रुपमा रहेको बुझिन्छ,  एसपी कार्कीले भने, ‘समाजमा नकरात्मक प्रभाव पार्नेे यस्ता कारोवारको संजाल पत्ता लगाउन प्रहरी लागिपरेको छ ।’
उनका अनुसार लागूऔषध कारोबारीले चितवन भएर काठमाडौं र पोखरा सहरमा लागूऔषध ओसार्ने गरेका छन् । प्रहरीले केही दिनअघिमात्र भरतपुर र नारायणगढ क्षेत्रबाट ठूलो परिणाममा लागूऔषधसहित केही युवालाई पक्राउ गरेको हो ।
प्रहरीका अनुसार गत पुस २० गते भनपा ४ कमलनगरमा ३ जना युवाको साथबाट बुफिनर्फिन १७ एम्पुल, डाइजेपाम १७ एम्पुल, फेनारगन १७ एम्पुल र नाइट्रोजेपाम ६८ ट्यावलेट बरामद गरिएको छ ।
पक्राउ पर्नेमा तनँहु बन्दीपुर ५ का २२ वर्षीय आशिष कायस्थ, भनपा ११ वस्ने वर्ष १९ को विनोद गुरूङ र यसै ठाउँका १९ वर्षीय जेरेन चौधरी रहेका छन् । त्यस्तै, पुस २० गते नै क्याम्पाचौरमा बसिरहेका ४ युवाको साथबाट ४० ट्याबलेट नाइट्रोजेपाम बरामद गरिएको छ । यस घटनामा भनपा १० घर भइ हाल धनुषास्थित इटरूवा प्रहरी पोष्टमा कार्यरत प्रहरी जवान वर्ष २४ का दीवाकार राई रहेका छन् ।
राइको साथमा रहेका जगतपुर ९ बस्ने वर्ष १८ को सन्दिप गुरूङ, मेघौली ५ बस्ने वर्ष २० को विजय महतो र भनपा ११ बस्ने वर्ष २१ को मैच्याङ लामा रहेका छन् । त्यस्तै, प्रहरीले पोखरा बसपार्क स्थित एक कोल्ड स्टोर्सबाट २२ गते दिउँसो भनपा ११ बस्ने वर्ष ३२ का अमरजित आलेलाई विभिन्न लागूऔषधसहित  पक्राउ गरेको छ । आलेको साथबाट  एक हजार ५० मिलीलिटर  फेन्सीडोल, वु्रर्फिनफिन र फेनारगन समान  ७०÷७० एम्पुल बरामद गरेको प्रहरी प्रमुख कार्कीले बताए ।