‘अनुसन्धानको लागि सहकार्य गरिने’

भरतपुर । शिक्षणका साथै अनुसन्धान गरिरहेको कृषि तथा वन विज्ञान विश्वविद्यालयले थप अनुसन्धानका लागि राष्ट्रिय गैरसरकारी संस्था लिवर्ड र हिमालयन एनिमल रिसर्च ट्रष्टस“ग सहकार्य गरेर अघि बढ्ने भएको छ ।
दुवै संस्थाका प्रमुख एवं प्रतिनिधिस“ग मंगलबार एक कार्यक्रमकाबीच विश्वविद्यालयले सम्झौतापत्रमा हस्ताक्षर गरेको हो । विश्वविद्यालयका तर्फबाट उपकुलपति प्राडा कैलाशनाथ प्याकुरेल र रजिष्टार डा सूर्यकान्त घिमिरे तथा लिवर्डका तर्फबाट कार्यकारी निर्देशक डा बलराम थापा र कार्यक्रम विकास निर्देशक डा रामबहादुर रानाले हस्ताक्षर गर्नु भएको हो । अनुसन्धान प्रसार तथा कृषि, वन र पशुको क्षेत्रमा एक आपसमा साझेदारीमा काम गर्ने गरी लिवर्ड र विश्वविद्यालयका बीचमा सम्झौता भएको हो ।
लिवर्डले सम्झौतास“गै पहिलो चरणमा वातावरण परिवर्तनले पशुपालन तथा मानिसको जीवन पद्धतिमा पार्नसक्ने प्रभावको बारेमा अनुसन्धानका लागि आर्थिक सहयोग गर्ने भएको छ । एमएससीएजी अध्ययन गर्ने ६ जना र विद्यावारिधी गर्ने दुई जना विद्यार्थीलाई अनुसन्धान गर्न र अन्य विभागीय अनुसन्धानका लागि लिवर्डले १५ लाख ३० हजार सहयोग गर्ने सम्झौता गरेको छ ।
सम्झौतामा विश्वविद्यालयका तर्फबाट पशु विज्ञान, पशु चिकित्सा र मत्स्य विज्ञान संकायका डिन डा इश्वरीप्रसाद ढकाल र अनुसन्धान निर्देशक प्राडा नवराज देवकोटाले हस्ताक्षर गर्नुभएको छ । लिवर्डका तर्फबाट कार्यकारी निर्देशक थापा र विकास निर्देशक रानाले हस्ताक्षर गर्नुभएको हो ।
त्यस्तै हिमालयन एनिमल रिसर्च ट्रष्टस“ग हिमाली क्षेत्रका पशुहरुको अनुसन्धान र अध्ययनका लागि विद्यार्थीलाई संलग्न गराउने गरी विश्वविद्यालयस“ग सम्झौता भएको छ । सम्झौतापत्रमा विश्वविद्यालयका तर्फबाट डिन ढकाल र ट्रष्टका तर्फबाट निर्देशक खगेश्वर शर्मा भट्टराईले हस्ताक्षर गर्नु भएको छ । शिक्षण, अनुसन्धान र प्रसार मुख्य कार्य रहेको सो विश्वविद्यालयले अनुसन्धानका लागि आफ्नै बजेट अभाव भएपछि विभिन्न दाताहरुस“ग सहकार्य गरी अनुसन्धान कार्य भइरहेको सो अवसरमा उपकुलपति प्याकुरेलले बताउनुभयो ।