‘साक्षरमात्र घोषणा गरेर हँुदैन’

रत्ननगर । शिक्षा सचिव नारायणगोपाल मलेगोेले साक्षर घोषणा स्वस्थ प्रतिस्पर्धाको रूपमा अगाडि बढ्नुपर्ने बताउनु भएको छ ।
जिल्ला शिक्षा कार्यालय चितवनले आइतबार रत्ननगरमा आयोजना गरेको साक्षर चितवन अभियानको समीक्षा तथा अन्तत्र्रिmया कार्यक्रममा बोल्दै सचिव मलेगोले साक्षर घोषणा अस्वस्थ्य नभई स्वस्थ्य प्रतिस्पर्धाको रूपमा बढ्नुपर्ने बताउनुभयो । साक्षर घोषणा गरेर पर्याप्त नहुनेमा जोड दिनु भएको उहाँले प्रभावकारी अनुगमन पनि हुनुपर्ने बताउनुभयो ।
घोषणा गरेर त्यसबाट मुक्त हुन नपाउने भन्दै सचिव मलेगोले निरन्तर अनुगमन गरिरहनु पर्नेमा जोड दिनुभयो । सरकारी निकायबाट पनि अनुगमन भइरहेको जानकारी दिँदै उहाँले यसमा गैरसरकारी संघसंस्था, राजनीतिक दल तथा सरोकारवाला सबैले गरेका प्रतिबद्धता व्यवहारमा लागू हुनुपर्ने बताउनुभयो ।
कार्यक्रममा अनौपचारिक शिक्षा केन्द्रका निर्देशक बाबुराम पौडेल, प्रमुख जिल्ला अधिकारी नरेन्द्रराज शर्मा, रत्ननगर नगरपालिकाका कार्यकारी अधिकृत शहदेवप्रसाद श्रेष्ठ, नेपाली कांग्रेश चितवनका सभापति टेकप्रसाद गुरूङ, नेकपा एमाले जिल्ला अध्यक्ष जेएन थपलिया, एकिकृत नेकपा माओवादी जिल्ला संयोजक घनश्याम दाहाल, नेकपा माओवादी जिल्ला इन्चार्ज गुणराज लोहनीलगायतले पनि मन्तव्य राखेका थिए । कार्यक्रममा बोल्ने राजनीतिक दलका प्रमुखहरुले साक्षर चितवन घोषणाका लागि आआफ्नो पार्टीबाट सहयोग गर्ने प्रतिबद्धता जनाएका थिए ।
कार्यक्रममा जिल्ला शिक्षा अधिकारी रमाकान्त शर्माले साक्षर चितवन घोषणाका लागि भएका र हुन बाँकी रहेका कार्यक्रमको बारेमा जानकारी गराउनु भएको थियो । सो अवसरमा जिल्ला शिक्षा अधिकारी शर्माले आज सोमबार रत्ननगरका विभिन्न ८ वटा वडालाई साक्षर वडा घोषणा गर्ने पनि बताउनुभयो । कार्यक्रममा सहायक जिल्ला शिक्षा अधिकारी शम्भुप्रसाद पौडेल, अनौपचारिक शिक्षा केन्द्रकी मुक्त पोखरेलले साक्षर चितवन अभियानका सन्द्रर्भमा प्रतिवेदन प्रस्तुत गर्नु भएको थियो ।
प्रतिवेदनमा यो वर्ष चितवनका २४ गाविस, रत्ननगरका ५ तथा भरतपुर नगरपालिकाका १२ वटा वडालाई साक्षर घोषणा गर्ने लक्ष्य लिइएको उल्लेख छ । कार्यक्रम अनौपचारिक शिक्षा केन्द्र चितवनका प्रमुख एवम् निमित्त स्थानीय विकास अधिकारी जगदीश शर्माको अध्यक्षतामा भएको थियो ।