भरतपुर । चण्डीभञ्याङ गाविसमा रहेको लामो झरनामा सार्वजनिक शौचालय निर्माण गरिएको छ । लामो झरना पर्यटन विकास समितिले निर्माण गरेको सो सार्वजनिक शौचालयको शुक्रबार चितवन क्षेत्र नम्बर ३ का सभासद् कृष्णभक्त पोख्रेलले उद्घाटन गर्नुभयो ।
सो शौचालय निर्माणका लागि एक लाख पचास हजार रुपैयाँ खर्च लागेको छ । पर्यटकीय गन्तव्य बन्दै गरेको सो क्षेत्रमा आउने पर्यटकहरुलाई सहज गराउनका लागि सो शौचालय निर्माण गरिएको समितिका अध्यक्ष देवबहादुर गुरुङले बताउनुभयो ।
समितिले आफ्नै स्रोतमा सो शौचालय निर्माण गरेको हो । शौचालय उद्घाटन कार्यक्रममा एमाले चितवनका सदस्य नारायणप्रसाद अधिकारी, लक्ष्मण चेपाङ, धनलाल गुरुङ, श्रीप्रसाद कँडेललगायतले बोल्नु भएको थियो ।
Discussion about this post