रेसेदारबाट झोला बनाउने तालिम

भरतपुर । रेशेदार वस्तुबाट झोला बनाउनेहरुका लागि सिपवृद्धि तालिम भरतपुरमा सम्पन्न भएको छ । रोटरी क्लब अफ बुढानिलकण्ठ, रोटरी क्लब अफ नारायणगढ, उद्योग वाणिज्य संघ चितवन र प्राकृतिक श्रोत विकास केन्द्रको संयुक्त आयोजनामा तालिम सञ्चालन भएको थियो ।
गत वैशाख २२ गतेबाट २२ दिन नै झोलाको तालिम बनाउन सिकाइएका २० महिलाहरुलाई  पुनः सिपवृद्धि तालिम दिइएको हो । सो अवसरमा केराको रेशा, जलकुम्बी झार, पट्टेलको पाट, मकैको झुत्ला आदि वस्तुहरुबाट झोला बनाउन सिकाइएको थियो । तालिम समापन समारोहमा सहभागी वक्ताहरुले रेशेदार वस्तुबाट बनाइएका झोलाको माग बजारमा बढी रहेको धारणा व्यक्त गरे ।
रोटरी क्लब अफ नारायणगढका अध्यक्ष सहन प्रधानको सभापति¤वमा सम्पन्न कार्यक्रममा उद्योग वाणिज्य संघ चितवनका वरिष्ठ उपाध्यक्ष कल्याण जोशीले हस्तकलाका वस्तुहरुको अन्तर्राष्ट्रिय तहमै माग बढ्दो रहेको बताउनुभयो ।
प्रशिक्षक श्यामवदना श्रेष्ठले फालिने वस्तुहरुलाई प्रयोग गरेर बनाइने हँुदा कच्चा पदार्थका लागि लाग्ने लागतखर्च बच्ने बताउनुभयो ।
सो अवसरमा रोटरी क्लव अफ बुढानिलकण्ठका अध्यक्ष राधेश्याम भण्डारी, रोटरी क्लब अफ नारायणगढका निर्वतमान अध्यक्ष रमेश श्रेष्ठ आर्दश गृहकी अध्यक्ष मिना खरेललगाएतले मन्तव्य व्यक्त गरेका थिए ।