खेलाडी सम्मानित

    काठमाडौँ, १३ पुस । अजिमा युवा क्लबले फुटबल खेलाडी मनाङ मस्र्याङ्दी क्लबका नवीन न्यौपाने र दिनेश कार्की तथा कराते खेलाडी सुरेन्द्रसिंह लामा र सिर्जना अधिकारीलाई आज यहाँ आयोजित कार्यक्रममा सम्मान गरेको छ ।
यस्तै कराते निर्णायक एवम् राष्ट्रिय खेलकुद परिषद्का सदस्य रेशम लामा र कराते प्रशिक्षक प्रेमलाल बम्जन पनि सम्मानित भए ।
नेकपा (एमाले) का महासचिव ईश्वर पोखरेल, एपिएफका अत्तिरिक्त महानिरीक्षक कृष्णकुमार तामाङ र अजिमाका अध्यक्ष प्रकाश श्रेष्ठले संयुक्तरुपमा उहाँहरूलाई प्रशंसापत्र प्रदान गरी सम्मान गर्नुभयो ।
कार्यक्रममा १३६ पटक रक्तदान गर्ने नेपाल स्वयंसेवी रक्तदाता समाजका अध्यक्ष प्रेमसागर कर्माचार्य, बुढानीलकण्ठ स्कुलका भूपु प्रधानाध्यापक बेदबहादुर खड्का, श्री गणेश उमाविका प्रधानाध्यापक भीमसेन खत्री, पशु एवम् बोटविरुवासम्बन्धी चिकित्सक रेवतीमान श्रेष्ठ, वरिष्ठ सङ्गीतकार शम्भूजित बाँस्कोटा, बुढानीलकण्ठ मन्दिरका मठादीस स्वामी एक हजार ८ निगमानन्द जी महाराज, गायिका कमला श्रेष्ठ, स्थानीय संघसंस्था, अनमोल अस्पताललगायतलाई पनि सम्मान गरिएको थियो । रासस