बक्सिङमा सेना र एपिएफ टिम च्याम्पियन

    काठमाडौँ, १३ पुस । प्रथम लुम्बिनी राष्ट्रिय च्याम्पियनसिपअन्तर्गत २५ औंँ पुरुष तथा चौथो महिला राष्ट्रिय बक्सिङ प्रतियोगिताको पुरुषतर्फ नेपाली सेना र महिलातर्फ सशस्त्र प्रहरी बल (एएपिएफ) क्लब आज टिम च्याम्पियन बनेका छन् ।
राष्ट्रिय खेलकुद परिषद् (राखेप) को सहयोगमा नेपाल बक्सिङ सङ्घद्वारा आयोजित सो प्रतियोगितामा सेनाले समान तीन तीन स्वर्ण, रजत र कांस्य जित्यो । तीन स्वर्ण, उत्तिकै रजत र दुई कास्य जितेको एपिएफ दोस्रो तथा दुई स्वर्ण र तीन रजतका साथ नेपाल प्रहरी तेस्रो स्थानमा रहे ।
त्रिपुरेश्वरस्थित राखेप कभर्डहलमा भएका सो प्रतियोगितामा महिलामा टिम च्याम्पियन बनेको एपिएफले चार स्वर्ण हात पा¥यो । दुई स्वर्णका साथ प्रहरी दोस्रो र सेना एक स्वर्णका साथ तेस्रो भयो । पुरुषमा मध्यमाञ्चलका मनोहर बस्नेत र महिलामा एपिएफकी माला राई उत्कृष्ट खेलाडी घोषित भए । दुवैले समान रु १०–१० हजार पुरस्कार पाए । उक्त पुरस्कार नेपाल भूपू बक्सिङ टिमले प्रायोजना गरेको थियो ।
त्यसतै टङ्क बुढा मगर वर्षको उत्कृष्ट बक्सिङ प्रशिक्षक घोषित भए । उहाँलाई अमर ज्योति फाउन्डेसनले रु २५ हजार र एडिडासले रु १० हजार नगद पुरस्कार प्रदान ग¥यो । उहाँले बक्सिङ किट्स पनि पाउनुभयो । उत्कृष्ट निर्णायक चुनिएबापत दिनकलाल श्रेष्ठलाई एडिडासले रु १० हजारले पुरस्कृत ग¥यो ।
महिलाको ४८–५१ केजीमा सेनाकी मीनु गुरुङले एपीएफकी माया चौधरी तथा ५७–६० केजीमा एपिएफकी सरस्वती राणाले सेनाकी निरु गुरुङलाई पराजित गरी पहिलो भए ।
पुरुषको ४६–४९ केजीमा एपिएफका विक्रम परियारले प्रहरीका निरञ्जन श्रेष्ठ, ४९–५२ केजीमा एपिएफका लक्षुमन तामाङले सेनाका प्रेम चौधरी, ५२–५६ केजीमा प्रहरीका दिनेश श्रेष्ठले सेनाका नरेश देवान, ५६–६० केजीमा एपिएफका पूर्णबहादुर लामाले पूर्वाञ्चलका विराज राई, ६०–६४ केजीमा सेनाका दीपक श्रेष्ठले प्ररहीका भूपेन्द्र थापा, ६४–६९ केजीमा प्रहरीका रत्नबहादुर तामाङले एपिएफका विकास लामा, ६९–७५ केजीमा सेनाका उजर्सिंह थापाले मध्यमाञ्चलका सोभित खत्री, ७५–८१ केजीमा मध्यमाञ्चलका दीपक महर्जनले सेनाका दीपेश लामा, ८१–९१ केजीमा मध्यमाञ्चलका मनोहर बस्नेतले एपिएफका मीनप्रकाश जोरा तथा ९१ केजीमाथिमा सेनाका श्याम खड्काले एपिएफका महेश केसीलाई हराउँदै स्वर्ण हात पारे ।
विजेतालाई राखेप सदस्यसचिव युवराज लामालगायतले पुरस्कार प्रदान गर्नुभयो । पाँचदिने सो प्रतियोगितामा ५९ पुरुषले १० तथा २५ महिलाले सात स्वर्णका लागि प्रतिस्पर्धा गरेका थिए । रासस