भरतपुर । जिल्ला विकास समिति भरतपुर, केएर नेपाल र कालिका सामुदायिक महिला विकास केन्द्रको संयुक्त सहकार्यमा माडीका चार गाविसमा योजना तर्जुमाबारे अभिमुखीकरण भएको छ ।
बिहीबार र शुक्रबार माडीका ४ वटा गाविसका गाविस सचिव, राजनीतिक दलका प्रतिनिधि, राजनीतिक दल महिला सञ्जाल, हेल्थपोष्ट, पारालिगल, स्थानीय समाजसेवीहरुको सहभागितामा गाविसको योजना तर्जुमा प्रक्रियासम्बन्धी १÷१ दिने अभिमुखीकरण कल्याणपुर र गर्दी गाविसमा सम्पन्न भएको छ ।
खास गरी यो समय गाउँ विकास समितिको योजना तर्जुमा हुन लागेको र यस अभिमुखीकरण कार्यक्रमको उद्देश्यबाट लक्षित समुदायलाई गाविसको आन्तरिक आय, लक्षित वर्गलाई छुट्याइने बजेट, विषयगत संघ संस्थाहरुको ऐक्यबद्धता, गाविसको न्यूनतम शर्त र कार्य सम्पादन मापन (एमसीपीएम) का आधारहरु, गाविस तथा जिल्ला विकास समितिको वार्षिक बजेटलगायतको बारेमा प्रशिक्षण गरिएको थियो ।
जिल्ला विकास समिति, भरतपुरका सामाजिक विकास अधिकृत प्रकाशचन्द्र पौडेले सहजीकरण गर्नु भएको उक्त दुवै कार्यक्रममा गाविस सचिवहरु विष्णुप्रसाद भुषाल, देवप्रसाद पौडेल, इन्द्रप्रसाद काफ्ले, प्रकाश पौडेल, केएर नेपालबाट बन्दना खाँड र कालिका संस्थाका संयोजक कृष्ण पन्तलगायतले बोल्नु भएको थियो ।
Discussion about this post