‘जनादेश उल्ट्याउनेविरूद्ध संघर्ष’

नारायणगढ । एमाओवादीसहितका मधेसवादी दलहरुले ल्याएको सहमतिको प्रस्ताव जातीयतावाद र क्षेत्रीयवादविरूद्धको जनादेशलाई उल्टाउने षडयन्त्र भएको नेकपा मसालले आरोप लगाएको छ । मंगलबार विज्ञप्ति जारी गर्दै पार्टीका महामन्त्री मोहनविक्रम सिंहले एमाओवादी र माओवादी दुवै पक्षको सहमति कायम गर्न अधिकतम प्रयास गरिनुपर्ने बताए । प्रचण्डको नेतृत्वमा सहमतिका नाममा जनादेश उल्टाउन खोज्नेविरूद्ध संघर्ष गर्नुपर्ने सिंहले विज्ञप्तिमा भनेका छन् ।
‘जातिवादी वा क्षेत्रीयतावादी प्रकारको संविधान निर्माण गर्ने प्रयासलाई अस्वीकार गरिनुपर्दछ’, विज्ञप्तिमा भनिएको छ, ‘एमाले र नेकासमेतको पहिले देखिको ढुलमुल, अवसरवादी प्रवृत्तिका कारणले त्यस प्रकारको सम्भावना रहेको वास्तविकताप्रति हाम्रो पार्टीको पूरा ध्यान छ ।’
एमाओवादीले संविधानसभा, लोकतान्त्रिक संविधानको निर्माण र गणतन्त्र समेतमाथि कुठाराघात पुग्ने कुनै नीति अपनाएमा त्यसको सामना गर्नुबाहेक अन्य कुनै विकल्प बा“की नरहेको सिंहले विज्ञप्तिमा भनेका छन् । एमाओवादीले उच्चस्तरीय राजनीतिक संयन्त्रको निर्माण गरेर त्यसको स्थायी अध्यक्ष प्रचण्ड हुनुपर्ने प्रस्ताव अगाडि ल्याएको प्रति लक्षित गर्दै उनले एमाओवादीले सम्पूर्ण संविधानसभा वा संविधानको निर्माणको कार्य समेतलाई आफ्ना अधिनमा राख्न चाहन्छ भन्ने स्पष्ट भएको उल्लेख छ । जातिवाद र क्षेत्रीयतावादको पराजयका कारणले संघीयताको ढाड भा“चिएको उल्लेख गर्दै संघीयताका विरूद्धको संघर्षलाई अझै उच्चस्तरमा अगाडि बढाउनुपर्ने आवश्यकता रहेको औंल्याइएको छ ।
मसालले एमाले र नेपाली कांग्रेसले अपनाउ“दै आएका अन्य नीतिसम्बन्धी मतभेद, आलोचना वा आवश्यकतानुसार उनीहरुका विरूद्ध संघर्षको नीति कायम रहेको जनाएको छ ।